ആലപ്പുഴ: 24-ാം പാർട്ടി കോൺഗ്രസിന്റെ ഭാഗമായി സെപ്റ്റംബർ 30ന് ആരംഭിക്കുന്ന സിപഐ സംസ്ഥാന സമ്മേളനത്തിന് ഉയർത്താനുള്ള പതാക അനശ്വര രക്തസാക്ഷികളുടെ സ്മരണകൾ ഇരമ്പുന്ന വയലാർ രക്തസാക്ഷി മണ്ഡപത്തിൽ പ്രയാണം ആംരംഭിച്ചു.കേരളത്തിന്റെ വിപ്ലവ ഗായിക പി കെ മേദിനി ജാഥാ ക്യപ്റ്റനും എഐവൈഎഫ് സംസ്ഥാന സെക്രട്ടറിയുമായ ടി ടി ജിസ്‌മോനു പതാക കൈമാറി. എഐഎസ്എഫ് സംസ്ഥാന സെക്രട്ടറിയും ജാഥാ വൈസ് ക്യാപറ്റനുമായ പി കബീർ, സി പിഐ ആലപ്പുഴ ജില്ലാസെക്രട്ടറി ടി ജെ ആഞ്ചലോസ്, കൃഷി മന്ത്രി പി പ്രസാദ് തുടങ്ങിയവർ ചടങ്ങിൽ പങ്കെടുത്തു.
ആയിരക്കണക്കിന് പാർട്ടി പ്രവർത്തകരുടെ അഭിവാദ്യങ്ങൾ ഏറ്റുവാങ്ങി നാളെ വൈകിട്ട് പതാക ജാഥ സമ്മേളന നഗരിയിലെത്തിചേരും. സിപിഐ സംസ്ഥാന സെക്രട്ടറി കാനം രാജേന്ദ്രനാണ് ടി ടി ജിസ്‌മോനിൽ നിന്നും പതാക ഏറ്റുവാങ്ങുക. നാളെ മുതൽ ആരംഭിക്കുന്ന സിപിഐ സംസ്ഥാന സമ്മേളനം ഒക്ടോബർ 3 ന് അവസാനിക്കും.
