തിരുവനന്തപുരം: കേരളത്തിൽ നിന്നുള്ള മുതിർന്ന കോൺഗ്രസ് നേതാവ് ബിജെപിയിൽ ചേരാനൊരുങ്ങുന്നതായി റിപ്പോർട്ട്. എംപിയായ ഇദ്ദേഹം പാർട്ടിയിൽ ചേരാൻ ബിജെപിയെ സമീപിച്ചെന്ന്‌ ദി ഇന്ത്യൻ എക്സ്പ്രസ്‌ പുറത്തുവിട്ട റിപ്പോർട്ടിൽ വ്യക്തമാക്കിയിരിക്കുന്നത്.
കോൺഗ്രസ് നേതാവ് പാർട്ടിയിൽ ചേർന്നാൽ നിയമസഭ തെരഞ്ഞെടുപ്പിൽ അത്‌ പാർട്ടിയ്ക്ക്‌ ഗുണം ചെയ്യുമെന്നാണ്‌ ബിജെപിയുടെ വിലയിരുത്തൽ. അതിനാൽ തന്നെ കോൺഗ്രസ് നേതാവിന്റെ കടന്നുവരവ്‌ ബിജെപി സ്വാഗതം ചെയ്യാനാണ്‌ സാധ്യതയെന്ന്‌ ബിജെപി വൃത്തങ്ങൾ അറിയിച്ചതായി ദി ഇന്ത്യൻ എക്സ്പ്രസ്‌ റിപ്പോർട്ട് ചെയ്തു.
