കനത്ത മഴയെ തുടർന്ന് വീടിന്റെ ഒരു ഭാഗം തകർന്നു വീണ തിരുവല്ല താലൂക്കിൽ കുറ്റപ്പുഴ വില്ലേജിൽ 36 ആം വാർഡിലുള്ള രാജു വി ടി യുടെ ഭവനത്തിനു വേണ്ട അടിയന്തര സഹായം ഒരുക്കി ഭഗത്‌സിങ് യൂത്ത് ഫോഴ്സ്. എഐവൈഎഫ് തിരുവല്ല മേഖല കമ്മിറ്റിയുടെ നേതൃത്വത്തിലാണ് ശുചീകരണ പ്രവർത്തനങ്ങൾ സംഘടിപ്പിച്ചത്.
ബൈപാസ് സർജറി കഴിഞ്ഞ രോഗിയും കൊച്ചു കുട്ടികളടക്കം അഞ്ചു പേർ താമസിക്കുന്ന വീട്ടിലാണ് ഈ അപകടം ഉണ്ടായത്. തകർന്ന വീട്ടിൽ നിന്നും ഭഗത്‌സിങ് യൂത്ത് ഫോഴ്സിന്റെ പ്രവർത്തകർ വീട്ടുപകരണങ്ങളടക്കം സുരക്ഷിതമായി മാറ്റിവയ്ക്കുകയും വീട് ശുചീകരിക്കുകയും ചെയ്തു.
എഐവൈഎഫ് ഭഗത്‌സിങ് യൂത്ത് ഫോഴ്സ് മണ്ഡലം കൺവീനർ വിഷ്ണു ഭാസ്കർ, ലിജു വർഗീസ് , ഹരികൃഷ്ണൻ , ബിൻസൺ ജോർജ് , ജിജോ ചാക്കോ , മനോജ് കൊച്ചുവീട്ടിൽ , ജ്യോതിഷ് ജോയ് , ചന്ദ്രേഷ് ഇ എസ് , മനീഷ് മാത്യു , പ്രമോദ് മുത്തൂർ, അനിൽ മുത്തൂർ എന്നിവർ നേതൃത്വം നൽകി.
