എഐവൈഎഫ് സംസ്ഥാന കമ്മിറ്റി വയനാട്ടിൽ നിർമ്മിച്ചു നൽകുന്ന 10 വീടുകളുടെ നിർമ്മാണ ധനശേഖരണാർത്ഥം എഐവൈഎഫ് മലപ്പുറം ജില്ലാ കമ്മിറ്റിയുമായി സഹകരിച്ച ഫ്രീലാൻസ് കാർട്ടൂണിസ്റ്റ് നവാസ് കോണോംപാറയ്ക്ക് ആദരം നൽകി. ” വര നാടിനൊരു കൈത്താങ്ങ് ” എന്ന പേരിൽ നവാസ് നടത്തിയ വര ചലഞ്ചിലൂടെ കിട്ടിയ പണം മലപ്പുറം സിപിഐ ജില്ലാ കൗൺസിൽ ഓഫീസിൽ വെച്ച് നടന്ന ചടങ്ങിൽ എഐവൈഫ് സംസ്ഥാന സെക്രട്ടറി ടി ടി ജിസ്‌മോന് കൈമാറിയിരുന്നു. ഈ ചടങ്ങിലാണ് നവാസി സംസ്ഥാന സെക്രട്ടറി ആദരിച്ചത്.

എഐവൈഎഫ് സംസ്ഥാന ജോയിന്റ് സെക്രട്ടറി അഡ്വ. കെ കെ സമദ്, എഐവൈഎഫ് മലപ്പുറം ജില്ലാ സെക്രട്ടറി അഡ്വ. ഷഫീർ കിഴിശ്ശേരി, ജില്ലാ പ്രസിഡന്റ്‌ അനീഷ് എടപ്പാൾ, ജോയിന്റ് സെക്രട്ടറി യൂസുഫ് കലയത്ത് എന്നിവർ ചടങ്ങിൽ പങ്കെടുത്തു.

എഐവൈഎഫ് ജില്ലയിൽ നടത്തുന്ന ക്യാമ്പയിനുകളിൽ സ്ഥിരം സാനിധ്യമാണ് നവാസ്. വർത്തമാന കാലത്തെ രാഷ്ട്രീയ സാമൂഹിക പ്രശ്നങ്ങളിൽ നവാസ് തന്റെതായ നിലപാടറയിച്ച് രം​ഗത്തെത്താറുണ്ട്. ദേശീയ മഹിളാ സംഘടനയായ നാൽണൽ ഫെഡെറേഷൻ ഓഫ് ഇന്ത്യൻ വുമണിന്റെ ( എൻഎഫ്ഐഡബ്ല്യൂ) ” നാരി ശക്തി വുമെൺസ് റിസർവേഷൻ ആക്ട് ” എന്ന ക്യാമ്പയിനു വേണ്ടി നവാസ് വരച്ച കാർട്ടൂൺ ദേശീയ തലത്തിൽ ഏറെ ശ്രദ്ധനേടിയിരുന്നു.