ചേർത്തല: എഐഎസ്എഫ് ചേർത്തല സൗത്ത് മണ്ഡലം കമ്മറ്റിയുടെ ആഭിമുഖ്യത്തിൽ ഡിവിഎച്ച്എസ്എസ് ചാരമംഗലം സ്കൂളിന് സമീപം ഒരുക്കിയ തണ്ണീർപന്തൽ ആയിരക്കണക്ക് വരുന്ന വിദ്യാർത്ഥികുൾക്കും യാത്രക്കാർക്കും ആശ്വാസമായി.തണ്ണീർപന്തൽ എഐഎസ്എഫ് ജില്ലാ എക്സിക്യൂട്ടീവ് അംഗം ആർ സച്ചിൻ ഉദ്ഘാടനം ചെയ്തു . മണ്ഡലം പ്രസിഡന്റ് ഷാരുൺ ഷാജി അധ്യക്ഷത വഹിച്ചു. എഐഎസ്എഫ് മണ്ഡലം കമ്മറ്റി മെമ്പർമാരായ ഭാവന , കിരൺ,ആദിത്യൻ , ലോക്കൽ കമ്മിറ്റി സെക്രട്ടറി പി.തങ്കച്ചൻ എഐവൈഎഫ് നേതാക്കളായ വിശാൽ വിജയൻ , ബ്രൈറ്റ് എസ് പ്രസാദ് , ചിന്തു കമൽ ,അർജുൻ എസ് കുമാർ, വി.ഷൈലേഷ് തുടങ്ങിയവർ നേതൃത്വം നൽകി.
ആര്യക്കര ഭഗവതി വിലാസം ഹയർ സെക്കൻഡറി സ്കൂളിന് സമീപം ഒരുക്കിയ തണ്ണീർപ്പന്തൽ എഐഎസ്എഫ് ജില്ലാ വൈസ് പ്രസിഡന്റ് അജയ് കൃഷ്ണൻ ഉദ്ഘാടനം ചെയ്തു. മണ്ഡലം സെക്രട്ടറി ആർ സുജിത്ത്,ലോക്കൽ കമ്മിറ്റി സെക്രട്ടറി സി കെ ചിദംബരൻ,എഐഎസ്എഫ് മണ്ഡലം കമ്മിറ്റി അംഗങ്ങളായ കൃഷ്ണവേണി, ശ്രീഹരി, അനന്തകൃഷ്ണൻ, റഗു റാം, അപർണ എന്നിവർ നേതൃത്വം നൽകി.
