കോഴിക്കോട്: എസ്എസ്എൽസി പരീക്ഷയിൽ പരാജയപ്പെട്ട വിദ്യാർത്ഥികള‍ക്കായി ഉല്ലാസ യാത്ര സംഘടിപ്പിച്ച് എഐഎസ്എഫ്. വിജയം അന്തിമമല്ല, പരാജയം മാരകമല്ല, അത് തുടരാനുള്ള ധൈര്യമാണ് എന്ന ആശയം മുന്നോട്ട് വെച്ച് കുട്ടികൾക്ക് പ്രചോദനമേകാനാണ് എഐഎസ്എഫ് ഉല്ലാസയാത്ര സംഘടിപ്പിച്ചിരിക്കുന്നത്.
സിപിഐ ചാലിയാർ ലോക്കൽ കമ്മിറ്റിയുടെ ആഭിമുഖ്യത്തിൽ എഐഎസ്എഫ് ചാലിയാർ പഞ്ചായത്ത് കമ്മിറ്റിയാണ് ഉല്ലാസയാത്ര സംഘടിപ്പിച്ചിരിക്കുന്നത്. ഉല്ലാസയാത്രയിൽ വിദ്യാർത്ഥികൾക്കും അവരുടെ കുടുംബാംഗങ്ങൾക്കും പങ്കാളികളാവാൻ അവസരമുണ്ട്. ജിഎച്ച്എസ്എസ് എരഞ്ഞിമങ്ങാട് സ്കൂളിൽനിന്നുമാണ് ഉല്ലാസയാത്ര പുറപ്പെടുക.
