അടൂർ: കേരള യൂണിവേഴ്സിറ്റിക്ക് കീഴിലുള്ള അടൂർ ഐഎച്ച്ആർഡി കോളേജ് ഇനി എഐഎസ്എഫ് ഭരിക്കും. കോളേജ് ഓഫ് അപ്ലൈഡ് സയൻസ്, ഐഎച്ച്ആർഡി കോളേജ് അടൂരിൽ നടന്ന യൂണിയൻ തിരഞ്ഞെടുപ്പിൽ എഐഎസ്എഫ് സ്ഥാനാർത്ഥികൾ മത്സരിച്ച എല്ലാ സീറ്റും സ്വന്തമാക്കി. എഐഎസ്എഫ് പാനലിൽ മത്സരിച്ച അൽസ എ കോളേജ് വൈസ് ചെയർപേഴ്സണായി തെരഞ്ഞെടുക്കപ്പെട്ടു. യുയുസി യായി ആര്യാ എം രാജുവും ആർട്സ് ക്ലബ് സെക്രട്ടറിയായി അനന്തകൃഷ്ണൻ എസും മാഗസീൻ എഡിറ്റർ ആയി ബിനിജ പി പിള്ളയും സ്പോർട്സ് ക്ലബ് സെക്രട്ടറിയായി മിഥുൻ മോഹനും വനിത റെപ്രസെസെന്റിറ്റിവായി സ്നേഹ ആറും ആദ്യ വർഷ കോളേജ് റെപ്രസെസെന്റിറ്റിവായി സോനു ബിജുവും തെരഞ്ഞെടുപ്പിൽ വിജയിച്ചു.
വിജയിച്ച സഖാക്കളെ എഐഎസ്എഫ് സംസ്ഥാന ജോയിന്റ് സെക്രട്ടറി ബിബിൻ എബ്രഹാം, ജില്ലാ സെക്രട്ടറി അശ്വിൻ മണ്ണടി എഐവൈഎഫ് ജില്ലാ സെക്രട്ടറി എസ് അഖിൽ എഐഎസ്എഫ് സംസ്ഥാന കമ്മിറ്റി അംഗങ്ങളായ ദേവദത്ത് എസ്, ആരോമൽ, അദർശ്, ആദിത്യൻ, പ്രതീഷ്, വില്യം, ശ്രീകുമാർ, ജോൺ, അലൻ, വിഷ്ണു തുടങ്ങിയവർ അഭിവാദ്യങ്ങൾ അർപ്പിച്ചു.
