തിരുവനന്തപുരം: കേരളത്തിലെ ഇടതുപക്ഷ സർക്കാരിനെ തകർക്കാൻ ശ്രമിക്കുന്ന ​ഗവർണർ ആരിഫ് മുഹമ്മദ് ഖാനെതിരെ രാജ്ഭവൻ മാർച്ചുമായി എഐഎസ്എഫ്. ദേശീയ വിദ്യാഭ്യാസനയം 2020 പിൻവലിക്കുക, യൂണിവേഴ്സിറ്റികളെ തകർക്കാനുള്ള ​ഗവർണ്ണറുടെ ശ്രമം ഉപേക്ഷിക്കുക, ഹിന്ദി അറിയാത്തവർക്ക് കേന്ദ്രസർക്കാർ ജോലി നൽകാൻ പാടില്ലെന്ന ശുപാർശ പിൻവിലിക്കുക തുടങ്ങിയ ആവശ്യങ്ങൾ ഉന്നയിച്ചാണ് എഐഎസ്എഫ് രാജ്ഭവൻ മാർച്ച് സംഘടിപ്പിക്കുന്നത്. നവംബർ നാലിനു സംഘടിപ്പിക്കുന്ന മാർച്ച് സിപിഐ സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യും.