അമ്പലപ്പുഴ: സേവ് ഇന്ത്യ മാർച്ചിന്റെ പ്രചാരണാർത്ഥം കൗണ്ടി ക്രിക്കറ്റ് ടൂർണമെന്റുമായി എഐവൈഎഫ് അമ്പലപ്പുഴ മണ്ഡലം കമ്മിറ്റി. മെയ് 22 ന് ആലപ്പുഴ ജില്ലയിലെത്തുന്ന കാൽനട ജാഥക്ക് മുന്നോടിയായി ആണ് ക്രിക്കറ്റ് ടൂർണമെന്റ് സംഘടിപ്പിക്കുക. ഏപ്രിൽ 22,23 തിയതികളിൽ വണ്ടാനം മെഡിക്കൽ കോളേജ് ഗ്രൗണ്ടിൽ വച്ചാണ് ക്രിക്കറ്റ് ടൂർണമെന്റ് നടക്കുക. മത്സരം കിരീടം നേടുന്ന ടീമിനു 25001 രൂപയും റണ്ണറപ്പാവുന്ന ടീമിനു 8001 രൂപയും സമ്മാനമായി നൽകുമെന്ന് ടൂർണമെന്റിന്റെ നടത്തിപ്പുകാരായ എഐവൈഎഫ് അമ്പലപ്പുഴ മണ്ഡലം കമ്മിറ്റി വ്യക്തമാക്കി. ടൂർണമെന്റിനു പങ്കെടുക്കാൻ താല്പര്യമുള്ള ടീമുകൾക്ക് 2500 എൻട്രി ഫീസായി നിശ്ചയിച്ചിട്ടുണ്ട്. കൂടുതൽ വിവരങ്ങൾക്ക് 9567412191, 8281225575, 7559092042 എന്ന നമ്പറുകളിൽ ബന്ധപ്പെടാവുന്നതാണ്.
സേവ് ഇന്ത്യ മാർച്ചിനോട് അനുബന്ധിച്ച് ഇത്തരത്തിലുള്ള പരിപാടികൾ സംസ്ഥാനത്തുടനീളം പ്രവർത്തകർ സംഘടിപ്പിക്കുന്നുണ്ട്. ഒരുമിച്ച് നടക്കാം വർഗ്ഗീയതയ്ക്ക് എതിരെ, ഒന്നായ് പൊരുതാം തൊഴിലിനുവേണ്ടി എന്ന മുദ്രാവാക്യമുയർത്തി എഐവൈഎഫ് കേരളമൊട്ടാകെയാണ് കാൽനട ജാഥകൾ സംഘടിപ്പിക്കുന്നത്. മെയ് 15ന് ആരംഭിക്കുന്ന തെക്കൻ മേഖല ജാഥ എഐവൈഎഫ് സംസ്ഥാന സെക്രട്ടറി ടി ടി ജിസ്‌മോൻ നയിക്കും. 17ന് കാസർകോട് നിന്ന് ആരംഭിക്കുന്ന വടക്കൻ മേഖല ജാഥ എഐവൈഎഫ് സംസ്ഥാന പ്രസിഡന്റ് എൻ അരുൺ നയിക്കും. ഇരു ജാഥകളും മെയ് 28ന് തൃശൂരിൽ സമാപിക്കും.
