അടൂർ: ‘ലഹരിക്കെതിരെ കായിക ലഹരി ‘ എന്ന മുദ്രാവാക്യമുയർത്തി എഐവൈഎഫ്- എഐഎസ്എഫ് നേതൃത്വത്തിൽ പത്തനംതിട്ടയിൽ സൗഹൃദ ഫുട്ബോൾ മത്സരം സംഘടിപ്പിച്ചു. എഐവൈഎഫ് ജില്ലാ പ്രസിഡന്റ് അഡ്വ. സുഹാസ് എം ഹനീഫിന്റെ അധ്യക്ഷതയിൽ എഐവൈഎഫ് സംസ്ഥാന ജോയിന്റ് സെക്രട്ടറി അഡ്വ.ആർ.ജയൻ മത്സരം കിക്കോഫ് ചെയ്ത് ഉദ്ഘാടനം നിർവ്വഹിച്ചു.
എഐഎസ്എഫ് സംസ്ഥാന ജോയിന്റ് സെക്രട്ടറി ബിബിൻ എബ്രാഹം സ്വാഗതം പറഞ്ഞു. എഐവൈഎഫ് ജില്ലാ സെക്രട്ടറി എസ്.അഖിൽ, എഐഎസ്എഫ് ജില്ലാ സെക്രട്ടറി അശ്വിൻ മണ്ണടി, പ്രസിഡന്റ് എ.അനിജു, എഐവൈഎഫ് സംസ്ഥാന കമ്മറ്റി അംഗം ബൈജു മുണ്ടപ്പള്ളി, എഐഎസ്എഫ് സംസ്ഥാന കമ്മറ്റി അംഗം ദേവദത്ത് എന്നിവർ സംസാരിച്ചു.
എഐവൈഎഫ് – എഐഎസ്എഫ് ജില്ലാ കമ്മറ്റികളുടെ നേതൃത്വത്തിലുള്ള ടീമുകൾ തമ്മിലുള്ള മത്സരത്തിൽ 2 നെതിരെ 11 ഗോളുകൾ നേടി എഐവൈഎഫ് ടീം വിജയിച്ചു.
