അതിരപ്പിള്ളി: ഭഗത് സിങ് രക്തസാക്ഷി ദിനത്തിന്റെ ഭാഗമായി കാട്ടുതീ തടയുന്നതിനായി അതിരപ്പിള്ളി വനമേഖലയിൽ എഐവൈഎഫ് ഭഗത് സിങ് യൂത്ത് ഫോഴ്സിന്റെ നേതൃത്വത്തിൽ ഫെയർ ലൈൻ ഒരുക്കി. എഐവൈഎഫ് ജില്ലാ പ്രസിഡന്റ് ബിനോയ് ഷബീർ ഉദ്ഘാടനം ചെയ്തു. എഐവൈഎഫ് ചാലക്കുടി മണ്ഡലം പ്രസിഡന്റ് പി സി സജിത്ത് അധ്യക്ഷത വഹിച്ചു.
അതിരപ്പിള്ളി ഗ്രാമ പഞ്ചായത്ത് പ്രസിഡന്റ് അഡ്വ.ആതിര ദേവരാജൻ, എഐവൈഎഫ് ജില്ലാ ജോയിന്റ് സെക്രട്ടറി പി വി വിവേക്, സിപിഐ അതിരപ്പിള്ളി ലോക്കൽ സെക്രട്ടറി കെ കെ സന്തോഷ്, അതിരപ്പിള്ളി ഗ്രാമ പഞ്ചായത്ത് അംഗം സി സി കൃഷ്ണൻ, എഐവൈഎഫ് മണ്ഡലം ജോയിന്റ് സെക്രട്ടറി സി എം അഭിലാഷ്, മണ്ഡലം കമ്മിറ്റി അംഗങ്ങളായ യു ആർ സുബാഷ്, മെൽസൻ ആന്റണി, ജോഫിൻ ജോസ് എന്നിവർ നേതൃത്വം നൽകി
