ഭ​ഗത് സിങ്, സുഖ്ദേവ്, രാജ്​ഗുരു എന്നീ ധീരരക്തസാക്ഷികളുടെ ഓർമ്മദിനം ആചരിച്ച് എഐവെഎഫ് പ്രവർത്തകർ. സംസ്ഥാനത്തൊട്ടാകെയുളള എഐവൈഎഫ് പ്രവർത്തകർ വിവിധ പ്രവർത്തനങ്ങളാണ് സംഘടിപ്പിച്ചത്. രക്‌തദാനം മുതൽ ദാഹജലം വരെയുളള പ്രവർത്തവങ്ങളുമായിട്ടാണ് ധീര രക്തസാക്ഷികളുടെ ഓർമ്മദിനം സഖാക്കൾ ആചരിച്ചത്. സംസ്ഥാനത്തെ വിവിധ പ്രദേശങ്ങളിൽ നന്ന പരിപാടികൾ;

ഭഗത് സിങ് രക്തം നൽകിയത് രാജ്യത്തിന് വേണ്ടി: എഐവൈഎഫ്

ഭഗത് സിങ് രക്തസാക്ഷി ദിനത്തിൽ നിലമ്പൂരിലെ എഐവൈഎഫ് മണ്ഡലം കമ്മിറ്റിയും,സന്നദ്ദ സംഘടനയായ ഭഗത് സിങ് യൂത്ത്‌ഫോഴ്‌സും ചേർന്ന് നിലമ്പൂർ ജില്ലാ ആശുപത്രിയിലെ ബ്ലഡ് ബാങ്കിലേക്ക് രക്തം നൽകുന്ന കാംപയ്‌ന് ഇന്ന് തുടക്കം കുറിച്ചു. ജില്ലാ ആശുപത്രിയിൽ രക്തത്തിന്റെ ലഭ്യതക്കുറവ് അറിയിച്ചതിനെ തുടർന്നാണ് രക്തദാന ക്യാംപയ്‌നുമായി എഐവൈഎഫ് മുന്നോട്ട് വന്നത്.

ഭഗത് സിങ് രക്തസാക്ഷി ദിനത്തിൽ തണ്ണീർ പന്തൽ ആരംഭിച്ച് എഐവൈഎഫ്

ആലപ്പുഴ: സഖാവ് ഭഗത് സിങ് രക്തസാക്ഷിത്വ ദിനത്തോട് അനുബന്ധിച്ച് എഐവൈഎഫ് ചേരുവാരണം മേഖല കമ്മിറ്റി ഒരുക്കിയ തണ്ണീർപന്തൽ ആയിരക്കണക്കിന് വരുന്ന യാത്രക്കാർക്കും വിദ്യാർത്ഥികൾക്കും ആശ്വാസമേകി. സഖാവ് ഭഗത് സിങ് സ്മരണാർദ്ധം എഐവൈഎഫ് സ്ഥാപിച്ച തണ്ണീർപന്തൽ ഉദ്ഘാടനവും ഭഗത് സിങ് അനുസ്മരണവും എഐവൈഎഫ് ജില്ലാ പ്രസിഡന്റ് സഖാവ് ബൈ. രഞ്ജിത് നിർവ്വഹിച്ചു.

ഭഗത് സിങ് രക്തസാക്ഷി ദിനത്തിൽ രക്തദാനം; ആർസിസിയിൽ രക്തം നൽകി എഐവൈഎഫ്

തിരുവനന്തപുരം: അനശ്വര വിപ്ലവകാരി ഭഗത് സിങ്ങിന്റെ രക്തസാക്ഷിത്വ ദിനത്തിൽ എഐവൈഎഫ് ജില്ലാ കമ്മിറ്റിയുടെ നേതൃത്വത്തിൽ മെഡിക്കൽ കോളജിലും, ആർസിസിയിലും രക്തദാന ക്യാമ്പ് സംഘടിപ്പിച്ചു. ക്യാമ്പ് സംസ്ഥാന പ്രസിഡന്റ് എൻ. അരുൺ ഉദ്ഘാടനം ചെയ്തു. ജില്ലാ പ്രസിഡന്റ് ആദർശ്കൃഷ്ണ, സെക്രട്ടറി ആർ എസ് ജയൻ, സംസ്ഥാന കമ്മിറ്റിയംഗം അൽ ജിഹാൻ, എന്നിവർ നേതൃത്വം നൽകി. ജില്ല കമ്മിറ്റി അംഗങ്ങളായ അശ്വന്ത്, വൈശാഖ്, എന്നിവർ പങ്കെടുത്തു.

ഭഗത് സിങ് രക്തസാക്ഷി ദിനം: അങ്കമാലി മിനി സിവിൽ സ്റ്റേഷനിൽ ശുചീകരണ യത്‌നവുമായി എഐവൈഎഫ്

തൃശൂർ: ഭഗത് സിങ് രക്തസാക്ഷി ദിനത്തിൽ എഐവൈഎഫ് അങ്കമാലി മണ്ഡലം കമ്മിറ്റി മിനി സിവിൽ സ്റ്റേഷനിലെ ശോചനീയാവസ്ഥയിലുള്ള ബാത്‌റൂമുകളുടെ ശുചീകരണ പ്രവർത്തനം നടത്തി. എഐവൈഎഫ് സംസ്ഥാന കമ്മിറ്റി അംഗം രേഖ ശ്രീജേഷ്, ജില്ലാ കമ്മിറ്റി അംഗം റിജോയ് ജോയ്, മണ്ഡലം നേതാക്കളായ വീണ ജോബി,സോണി, ജോസ് മോൻ എന്നിവരുടെ നേതൃത്വത്തിലാണ് ശുചീകരണപ്രവർത്തനങ്ങൾ നടന്നത്.

ഭഗത് സിങ് രക്തസാക്ഷി ദിനമാചരിച്ച് എഐവൈഎഫ്

മലപ്പുറം: ഭഗത് സിങ് രക്തസാക്ഷി ദിനത്തിൽ എഐവൈഎഫ് ജില്ല കമ്മിറ്റിയുടെ നേതൃത്വത്തിൽ പതാക ഉയർത്തലും പുഷ്പാർച്ചനയും നടന്നു. എഐവൈഎഫ് ജില്ല സെക്രട്ടറി അഡ്വ. ഷഫീർ കിഴിശ്ശേരി അനുസ്മരണ പ്രഭാഷണം നടത്തി.കെ വി നാസർ,പ്രവീൺ കാട്ടുങ്ങൽ,ഫാസിൽ എന്നിവർ ന്നേതൃത്വം നൽകി.

ഭഗത് സിങ് രക്തസാക്ഷി ദിനം; ഭക്ഷണം വിതരണം ചെയ്ത് എഐവൈഎഫ്

മാള: എഐവൈഎഫ് മാള മണ്ഡലം കമ്മിറ്റി നേതൃത്ത്വത്തിൽ മാർച്ച് 23 ഭഗത് സിങ് രക്തസാക്ഷി ദിനം ആചരിച്ചു. ഇന്ത്യൻ സ്വാതന്ത്ര്യ സമര ചരിത്രത്തിലെ ധീര പോരാളി ഭഗത് സിങ്ങിന്റെ രക്തസാക്ഷിത്വ ദിനമാണ് ഇന്ന്. ജീവത്യാഗത്തിലൂടെ ഭഗത് സിങ് രാജ്യത്തിന് നൽകിയ സംഭാവന തലമുറകൾ പിന്നിട്ടിട്ടും നമ്മൾ ആദരവോടെ ഓർക്കുന്നു.

ഭഗത് സിങ് രക്തസാക്ഷി ദിനം; ശുചീകരണ പ്രവർത്തനങ്ങളുമായി എഐവൈഎഫ് മണലൂർ മണ്ഡലം കമ്മിറ്റി

ഭഗത് സിംഗ് രക്തസാക്ഷിത്വ ദിനത്തിൽ എഐവൈഎഫ് മണലൂർ മണ്ഡലം കമ്മിറ്റിയുടെ നേതൃത്വത്തിൽ അരിമ്പൂർ കുടുംബക്ഷേമ കേന്ദ്രത്തിൽ ശുചീകരണ പ്രവർത്തനം നടത്തി എഐവൈഎഫ്. ശുചീകരണ പ്രവർത്തനങ്ങളുടെ ഉദ്ഘാടനം എഐവൈഎഫ് ജില്ലാ വൈസ് പ്രസിഡന്റ് സാജൻ മടവങ്ങാട്ടിൽ നിർവഹിച്ചു.

ഭ​ഗത് സിങ് രക്തസാക്ഷി ദിനം; രക്തദാനവുമായി കണ്ണൂർ എഐവൈഎഫ്

പയ്യന്നൂർ:ഭഗത് സിങ് രക്തസാക്ഷി ദിനത്തിൽ പയ്യന്നൂർ മണ്ഡലം കമ്മിറ്റിയുടെ നേതൃത്വത്തിൽ രക്തധാനം നടത്തി. മണ്ഡലം പ്രസിഡന്റ് ജോഷി അറക്കൽ, ശ്രീജിത്ത്‌. പി, അലക്സ്‌ തോമസ്, ശരണ്യ ജോഷി, സുധീഷ്. പി എന്നിവർ രക്തം നൽകി.

ഭ​ഗത് സിങ് രക്തസാക്ഷി ദിനം; രക്തദാനവുമായി വയനാട് എഐവൈഎഫ്