തൃശൂർ: എഐവൈഎഫ് പൂങ്കുന്നം യൂണിറ്റിന്റെ ആഭിമുഖ്യത്തിൽ നടത്തിയ എന്റെ മാലിന്യം എന്റെ ഉത്തരവാദിത്തം മാസ്സ് പ്ലോഗിങ് പരിപാടി പി. ബാലചന്ദ്രൻ എംഎൽഎ ഉദ്ഘാടനം ചെയ്തു. സിപിഐ പൂങ്കുന്നം ബ്രാഞ്ച് ജോയിന്റ് സെക്രട്ടറിയും എഐവൈഎഫ് മണ്ഡലം കമ്മിറ്റി അംഗവുമായ എ ആർ പ്രവീൺ പ്ലോഗിങ് ഫ്ലാഗ് ഓഫ് ചെയ്തു. എഐവൈഎഫ് മണ്ഡലം കമ്മിറ്റി അംഗം അരുൺ അധ്യക്ഷനായി.
മാലിന്യം കുറക്കുന്നതിലും മാലിന്യം കൃത്യമായി ജൈവ മാലിന്യവും അജൈവമാലിന്യവുമായി വേർതിരിച്ചു ഹരിതകർമസേനക്ക് കൈമാറുന്നതിനും വേണ്ടി ഗൃഹസന്ദർശനങ്ങളും ബോധവത്കരണ ക്യാമ്പയ്നുകളും ആസൂത്രണം ചെയ്യുന്നതായി എഐവൈഎഫ് യൂണിറ്റ് അംഗങ്ങൾ അറിയിച്ചു.
സിപിഐ തൃശൂർ മണ്ഡലം അസിസ്റ്റന്റ് സെക്രട്ടറി ഗോപീദാസ്, എഐവൈഎഫ് തൃശൂർ മണ്ഡലം സെക്രട്ടറി ജി.എം അഖിൽ , സിപിഐ ലോക്കൽ കമ്മറ്റി സെക്രട്ടറി കെ ആർ വിനോദ്, എഐവൈഎഫ് യൂണിറ്റ് സെക്രട്ടറി എ ആർ പ്രശാന്ത്, വിഷ്ണു, ആഷിക് കൃഷ്ണൻ തുടങ്ങിയവർ സംസാരിച്ചു.
