മുഹമ്മ: എഐവൈഎഫ് മുഹമ്മദ് സൗത്ത് മേഖലാ കമ്മിറ്റിയുടെ ആഭിമുഖ്യത്തിൽ മുഴുവൻ വിഷയങ്ങൾക്കും എപ്ലസ് കരസ്ഥമാക്കിയ എസ്എസ്എൽസി, പ്ലസ് ടു വിദ്യാർത്ഥികൾക്കുള്ള ആദരവും പഠനോപകരണ വിതരണവും സംഘടിപ്പിച്ചു. ആദരവ് സമ്മേളനം കൃഷിവകുപ്പ് മന്ത്രി പി. പ്രസാദ് എം.ബി.ബി.എസിന് ഉയർന്ന വിജയം കരസ്ഥമാക്കിയ കുമാരി ലച്ചുവിന് ഉപഹാരം നൽകിക്കൊണ്ട് ഉദ്ഘാടനം നിർവഹിച്ചു.
എസ്എസ്എൽസി, പ്ലസ് ടു വിദ്യാർത്ഥികളെ എഐവൈഎഫ് സംസ്ഥാന സെക്രട്ടറി ടി. ടി ജിസ്‌മോൻ ആദരിച്ചു. പരിസ്ഥിതി ദിനവുമായി ബന്ധപ്പെട്ട് വൃക്ഷത്തൈ വിതരണം എഐവൈഎഫ് ജില്ലാ പ്രസിഡന്റ് ബൈരഞ്ജിത് നിർവഹിച്ചു.
കെ എസ് ഷിബു അധ്യക്ഷത വഹിച്ച ചടങ്ങിൽ ആർ സച്ചിൻ സ്വാഗതം പറഞ്ഞു. ചടങ്ങിൽ സിപിഐ ജില്ലാ കമ്മറ്റി അംഗം കെ ബി ഷാജഹാൻ,എഐവൈഎഫ് ജില്ലാ വൈസ് പ്രസിഡന്റ് കെ എസ് ശ്യാം, ജി സതീഷ്,സി.കെ ചിദംബരൻ, സുജിത് രാമചന്ദ്രൻ, പി കെ രാമചന്ദ്രൻ, എന്നിവർ സംസാരിച്ചു. സി ആർ രഞ്ജിത്ത്‌ ചടങ്ങിന് നന്ദി പറഞ്ഞു.
