തൃശ്ശൂർ: വിശപ്പ് രഹിത പരിയാരം പഞ്ചായത്ത് എന്ന മുദ്രാവാക്യം ഉയർത്തി എഐവൈഎഫ്. എഐവൈഎഫ് പരിയാരം മേഖല സമ്മേളനത്തിന്റെ ഭാഗമായാണ് പദ്ധതി സംഘടിപ്പിക്കുന്നത്. പൈസയില്ലാത്തതിന്റെ പേരിൽ ആരും പട്ടിണി കിടക്കരുത് എന്ന ലക്ഷ്യത്തോടെയാണ് ഓപ്പം എന്ന് പേരിട്ടിരിക്കുന്ന പദ്ധതി സംഘടിപ്പിച്ചിരിക്കുന്നത്.
ഇതിനായി പഞ്ചായത്തിൽ പ്രവർത്തിക്കുന്ന ഏഴ് ഹോട്ടലുകളുെ എഐവൈഎഫിനോടൊപ്പം കൈകോർക്കും. രോഗികൾ , കിടപ്പുരോഗികൾ, ഏകസ്ഥർ, ഭിന്നശേഷിക്കാർ എന്നിവർക്ക് ആവശ്യത്തിനുള്ള ഭക്ഷണം വീട്ടിലെത്തിച്ചു നൽകുന്ന പദ്ധതിയാണ് നടപ്പിലാക്കുന്നത്. പദ്ധതിയുടെ സുഖമമായ നടത്തിപ്പിനായി രൂപീകരിച്ച സംഘടക സമിതിയിൽ കെ ജെ തോമസ് (ചെയർമാൻ) മെൽസൻ ആന്റണി(കൺവീനർ) ബിബിൻ ജോയ്(സെക്രട്ടറി) എന്നിവരെ തെരഞ്ഞെടുത്തു.
