തിരുവനന്തപുരം: മലയാളികൾ സന്തോഷത്തിന്റേയും സമ്പൽസമൃദ്ധിയുടെയും വിഷു ആഘോഷിക്കുമ്പോൾ ശമ്പളം പോലും ലഭിക്കാതെ വലയുന്ന കെഎസ്ആർടിസി ജീവനക്കാർക്ക് എഐവൈഎഫിന്റെ വിഷുക്കൈനീട്ടം.

വിഷു ആയിട്ടും ശമ്പളം ലഭിക്കാത്ത കെഎസ്ആർടിസി ജീവനക്കാർക്ക് ആശ്വാസമേകാനാണ് എഐവൈഎഫിന്റെ വിഷുക്കൈനീട്ടം. ശമ്പളം പോലും ലഭിക്കാതെ വലയുന്ന സാഹചര്യത്തിൽ എഐവൈഎഫിന്റെ നേതൃത്വത്തിൽ വിഷുക്കൈനീട്ടം നൽകി തൊഴിലാളികൾക്ക് ഐക്യദാർഢ്യം പ്രഖ്യാപിച്ചത്.

ശമ്പളം ലഭിക്കാത്തതിനാൽ ജീവനക്കാരുടെ കുടുംബാംഗങ്ങൾക്ക് ഈ വർഷത്തെ വിഷു ആഘോഷത്തിന്റെ ദിനമല്ലാതായിരിക്കുകയാണ്. വിഷുദിനത്തിൽ പോലും ആത്മാർത്ഥതയോടെ ജോലി ചെയ്യുന്ന ജീവനക്കാരെ അവഗണിക്കരുതെന്നും എഐവൈഎഫ് സംസ്ഥാന കമ്മിറ്റി ആവശ്യപ്പെട്ടു.