തിരുവനന്തപുരം: എഐവൈഎഫ് പാറശാല മേഖലാ സമ്മേളനം ജില്ലാ പ്രസിഡന്റ്‌ ആദർശ് കൃഷ്ണ ഉദ്ഘാടനം ചെയ്തു. ജയപ്രകാശ് നഗർ (വന്യകോട് പൽമേരാ ഗാർഡൻ ) വച്ച് നടന്ന സമ്മേളനത്തിൽ സിപിഐ മണ്ഡലം സെക്രട്ടറിയേറ്റ് അംഗം രാഘവൻ നാടാർ, സിപിഐ പാറശാല മേഖലാ സെക്രട്ടറി അനീഷ് ആന്റണി, എഐവൈഎഫിന്റെ മണ്ഡലം പ്രസിഡന്റ്‌ ഷിജു കുമാർ, സെക്രട്ടറി വിൽസ്കുമാർ വിൽ‌സൺ, വൈസ് പ്രസിഡന്റ്‌ ഡി ബിജു, ജോയിന്റ് സെക്രട്ടറി മുകേഷ് കാക്കണം, എഐവൈഎഫ് മണ്ഡലം കമ്മിറ്റി അംഗം അനീഷ് പി മണി, എഐടിയുസി മണ്ഡലം സെക്രട്ടറി പുത്തൻകട വിജയൻ, മഹിളാ സംഘ മണ്ഡലം സെക്രട്ടറി ഉഷ സുരേഷ് തുടങ്ങിയവർ സംസാരിച്ചു.
പുതിയ മേഖലാ കമ്മിറ്റി പ്രസിഡന്റായി ആർ പി അരുണും സെക്രട്ടറിയായി ആർ വിനോദും അടങ്ങുന്ന 13 അംഗ മേഖലാ കമ്മിറ്റിയെ തെരഞ്ഞെടുത്തു.
