തിരുവല്ല: മയക്കുമരുന്നുകൾക്കെതിരെ ആർട്ട് വാൾ ഒരുക്കി എഐവൈഎഫ്. എഐവൈഎഫ് തിരുവല്ല ടൗൺമേഖല കമ്മറ്റിയുടെ നേതൃത്വത്തിൽ നടത്തുന്ന ലഹരി വിരുദ്ധ ക്യാമ്പയിന്റെ ഭാഗമായി സംഘടിപ്പിച്ച ആർട്ട് വാൾ, സാമൂഹിക സാംസ്കാരിക പ്രവർത്തകരും വിദ്യാർത്ഥികളും,അധ്യാപകരും ഏറ്റെടുത്തു. ” ലഹരിക്ക് എതിരെ നമുക്ക് ഒന്നിക്കാം “എന്ന പ്രമേയത്തിൽ ആർട്ട് വാൾ കെഎസ്ആർടിസിക്ക് എതിർവശം സ്ഥാപിക്കുകയും ലഘുലേഖ വിതരണവും ലഹരി വിരുദ്ധ ബോധവത്ക്കരണവും സംഘടിപ്പിച്ചു.
ക്യാമ്പയിന്റെ ഭാഗമായി തിരുവല്ല ടൗൺ മേഖല കമ്മറ്റി സംഘടിപ്പിച്ച ബോധവൽക്കരണ പരുപാടി സിപി ഐ തിരുവല്ല മണ്ഡലം സെക്രട്ടറി പി എസ് റെജി ഉദ്ഘാടനം ചെയ്തു. എഐവൈഎഫ് ടൗൺ മേഖല അംഗം ശ്രീവൽസ് തമ്പി അധ്യക്ഷത വഹിച്ച ചടങ്ങിൽ ടൗൺ മേഖല സെക്രട്ടറി വിഷ്ണു ഭാസ്കർ സ്വാഗതം പറഞ്ഞു. എ ഐ വൈ എഫ് തിരുവല്ല മണ്ഡലം പ്രസിഡന്റ് അനീഷ് സുകുമാരൻ, മണ്ഡലം കമ്മിറ്റി അംഗം ലിജു വർഗീസ്, അനിത പ്രസാദ്, അജീഷ് കുമാർ, സാലു ജോൺ, ബിൻസൺ ജോർജ്, അലക്സ് എന്നിവർ പ്രസംഗിച്ചു. അജീഷ് കുമാർ ലഹരിവിരുദ്ധ സത്യപ്രതിജ്ഞ ചൊല്ലിക്കൊടുത്തു.
