തിരുവല്ല: ഉഷ്‌ണതരംഗം, സൂര്യാഘാതം എന്നിവയുടെ സാധ്യത മുൻനിർത്തി കൊടും ചൂടിൽ സ്നേഹ സാന്ത്വനമായി എഐവൈഎഫ് തിരുവല്ല ടൗൺ മേഖല കമ്മിറ്റിയുടെ നേതൃത്വത്തിൽ മുത്തൂരിൽ തണ്ണീർ പന്തൽ ഒരുക്കി.
എഐവൈഎഫ് ടൗൺ മേഖല വൈസ് പ്രസിഡന്റ് ശിവപ്രസാദിന്റെ അധ്യക്ഷതയിൽ ചേർന്ന യോഗത്തിൽ മണ്ഡലം സെക്രട്ടറി മനു പരുമല ഉദ്ഘാടനം ചെയ്തു. മേഖല ജോയിൻ സെക്രട്ടറി ലിജു വർഗീസ് സ്വാഗതം ആശംസിച്ചു. മണ്ഡലം പ്രസിഡന്റ് അനീഷ് സുകുമാരൻ വിതരണ ഉദ്ഘാടനം ചെയ്തു. മേഖല സെക്രട്ടറി വിഷ്ണു ഭാസ്കർ, മനോജ് ,സാലു ജോൺ , ബിൻസൺ ജോർജ് ,ജ്യോതിഷ് ജോയ് ,ചന്ദ്രേഷ് ഇ സി, ഗോകുൽ , അജിത് കുമാർ എന്നിവർ നേതൃത്വം നൽകി.
