കരുനാഗപ്പള്ളി: ജൂൺ 05, ലോക പരിസ്ഥിതി ദിനത്തോട് അനുബന്ധിച്ച് എഐവൈഎഫ് സംസ്ഥാന കമ്മിറ്റി ആഹ്വാനം ചെയ്ത പരിസ്ഥിതി വാരാചരണത്തിന്റെ ഭാഗമായി കരുനാഗപ്പള്ളി മണ്ഡലംതല ഉദ്ഘാടനം ഓച്ചിറ ബ്ലോക്ക് പഞ്ചായത്ത് പ്രസിഡന്റ് എസ് ഗീതകുമാരി ഉദ്ഘാടനം ചെയ്തു. തൊടിയൂർ ഗവ.എൽപി സ്കൂളിൽ നടന്ന യോഗത്തിന് മണ്ഡലം പ്രസിഡന്റ് ഷിഹാൻ ബഷി അധ്യക്ഷത വഹിച്ചു.

യോഗത്തിന് മണ്ഡലം സെക്രട്ടറി യു കണ്ണൻ സ്വാഗതം പറഞ്ഞു. തുടർന്ന് സ്കൂൾ അങ്കണത്തിൽ വൃക്ഷതൈ നട്ടു. സിപിഐ കരുനാഗപ്പള്ളി മണ്ഡലം അസി.സെക്രട്ടറി കെ ശശിധരൻ പിള്ള, സ്കൂൾ എച്ച് എം അജിത, സിപിഐ ലോക്കൽ കമ്മിറ്റി സെക്രട്ടറി നാസർ പാട്ടക്കണ്ടത്തിൽ, എഐഎസ്എഫ് ജില്ലാ വൈസ് പ്രസിഡന്റ് എം ഡി അജ്മൽ, അജാസ് എസ് പുത്തൻപുരയിൽ, ഗ്രാമ പഞ്ചായത്ത്‌ അംഗം അൻസിയ തുടങ്ങിയവർ സംസാരിച്ചു. മേഖലാ സെക്രട്ടറി എം മുകേഷ് നന്ദി പറഞ്ഞു.