വൈക്കം: മഹാത്മ ഗാന്ധിയുടെ സന്ദർശനം കൊണ്ട് പ്രസിദ്ധിയാർജിച്ച വൈക്കം ഇണ്ടംതുരുത്തിമനയിൽ ഗാന്ധി സ്മൃതി സംഗമവുമായി എഐവൈഎഫ്. ഗാന്ധി സ്മൃതി സംഗമം സിപിഐ ജില്ലാ സെക്രട്ടറി അഡ്വക്കേറ്റ് വി ബി ബിനു ഉദ്ഘാടനം ചെയ്തു. ജില്ലാ പ്രസിഡന്റ് കെ രഞ്ജിത്ത് അധ്യക്ഷത വഹിച്ച യോഗത്തിൽ സെക്രട്ടറി ഷമ്മാസ് ലത്തീഫ് സ്വാഗതം പറഞ്ഞു. “വർത്തമാനകാല ഇന്ത്യയിൽ ഗാന്ധിദർശനങ്ങളുടെ പ്രസക്തി എന്ന വിഷയത്തിൽ സെൻ്റ് സേവ്യേഴ്സ് കോളേജ് അസിസ്റ്റന്റ് പ്രൊഫസർ പാർവ്വതി ചന്ദ്രൻ ക്ലാസ് നയിച്ചു.
പാർട്ടിയുടെ ജില്ലാ അസിസ്റ്റന്റ് സെക്രട്ടറി ജോൺ വി ജോസഫ്, എഐവൈഎഫ് സംസ്ഥാന കൗൺസിൽ അംഗം അജിത്ത് വാഴൂർ എഐവൈഎഫ് വൈക്കം മണ്ഡലം സെക്രട്ടറി ഹരിമോൻ തുടങ്ങിയവർ അഭിവാദ്യം ചെയ്തു സംസാരിച്ചു. ജില്ലാ എക്സിക്യൂട്ടീവ് അംഗങ്ങളായ സന്തോഷ്കുമാർ, അരുൺകുമാർ, നന്ദു ജോസഫ്, സോനിഷ് പി വി, സ്നേഹലക്ഷ്മി, റെജീന, പി ആർ ശരത് തുടങ്ങിയ സഖാക്കൾ നേതൃത്വം നൽകി.
