തലയോലപ്പറമ്പ്: എഐവൈഎഫ് ജില്ലാ യുവതി കൺവെൻഷൻ തലയോലപ്പറമ്പിൽ എഐവൈഎഫ് ദേശീയ കൗൺസിൽ അംഗം അഡ്വ. വിനീത വിൻസെന്റ് ഉദ്ഘാടനം ചെയ്തു. എഐവൈഎഫ് ജില്ലാ വൈസ് പ്രസിഡന്റ്‌ കെ എസ് സ്നേഹലക്ഷ്മി അധ്യക്ഷത വഹിച്ചു. സിപിഐ ജോൺ വി ജോസഫ്, ജില്ലാ പഞ്ചായാത്തംഗം പി എസ് പുഷ്പമണി, എഐവൈഎഫ് ജില്ലാ സെക്രട്ടറി അഡ്വ. സുജിത് എസ് പി, പ്രസിഡന്റ്‌ റെനീഷ് കാരിമറ്റം, ശരത്കുമാർ പി ആർ, അർജുൻ പി എസ് എന്നിവർ സംസാരിച്ചു.
ജില്ലാ യുവതി സബ് കമ്മിറ്റി കൺവീനർ ആയി ഫാത്തിമ ശമ്മാസ് (പൂഞ്ഞാർ), ജോയിന്റ് കൺവീനർമാരായി അഖില വി. കെ (കാഞ്ഞിരപ്പള്ളി), അഖില വി. എസ് (പാലാ) എന്നിവരെ തെരഞ്ഞെടുത്തു.
