മയ്യനാട്: എഐവൈഎഫ് മുഖത്തല മണ്ഡലം യുവതി സബ് കമ്മിറ്റിയുടെ നേതൃത്വത്തില്‍ അന്താരാഷ്ട്ര വനിതാ ദിനാചാരണവും സെമിനാറും സംഘടിപ്പിച്ചു. മയ്യനാട് എല്‍.ആര്‍. സി ഹാളില്‍ നടന്ന വനിതാ ദിനാചാരണം എഐവൈഎഫ് സംസ്ഥാന കമ്മിറ്റിയംഗം ജി. എസ് ശ്രീരശ്മി ഉദ്ഘാടനം ചെയ്തു.
മണ്ഡലം സബ് കമ്മിറ്റി ജോയിന്റ് കണ്‍വീനര്‍ രെജി അനര്‍ഷാ അധ്യക്ഷത വഹിച്ച യോഗത്തില്‍ സിപിഐ മണ്ഡലം സെക്രട്ടേറിയേറ്റ് അംഗം എസ് ലൈല, എഐവൈഎഫ് ജില്ലാ ജോയിന്റ് സെക്രട്ടറി അതുല്‍ ബി. നാഥ്, മണ്ഡലം പ്രസിഡന്റ് ആശ അഭിലാഷ്, സെക്രട്ടറി ആര്‍ ഹരീഷ്, ശ്രീജിത്ത്, അനാര്‍ഷാ, അരുണ്‍ എസ്, സിപിഐ ലോക്കല്‍ സെക്രട്ടറി സുരേന്ദ്രന്‍ എന്നിവര്‍ സംസാരിച്ചു
‘സ്ത്രീകളുടെ ആരോഗ്യപ്രശ്‌നങ്ങളും ബോധവല്‍ക്കരണവും’ എന്ന വിഷയത്തില്‍ ഡോ. റയിസ, ഡോ. രേഷ്മ എല്‍ പവിത്രന്‍, ഡോ. അമൃത, ഡോ. അതുല്യ രാജേഷ്, ഡോ. അതുല്യ മോഹന്‍ എന്നിവര്‍ സെമിനാര്‍ നയിച്ചു.
