തലയോലപ്പറമ്പ്: എഐവൈഎഫ് തലയോലപ്പറമ്പ് മേഖല കമ്മറ്റിയുടെ നേതൃത്വത്തിൽ സൗജന്യ നേത്ര ചികിത്സ ക്യാമ്പ് സംഘടിപ്പിച്ചു. തലയോലപ്പറമ്പ് വൈക്കം മുഹമ്മദ് ബഷീർ സ്മാരക വൊക്കേഷണൽ ഹയർ സെക്കൻഡറി സ്കൂൾ ഓഡിറ്റോറിയത്തിൽ നടന്ന ക്യാമ്പ് തലയോലപ്പറമ്പ് സബ് ഇൻസ്‌പെക്ടർ ടി.ആർ. മോഹനൻ ഉദ്ഘാടനം നിർവ്വഹിച്ചു.
തലയോലപ്പറമ്പ് മേഖല പ്രസിഡന്റ് ആഷിക് എം. അസീസ് അധ്യക്ഷത വഹിച്ചു. തലയോലപ്പറമ്പ് മണ്ഡലം പ്രസിഡന്റ് മാത്യൂസ് ദേവസ്യ, മേഖല സെക്രട്ടറി സച്ചിൻ ബാബു, വൈസ് പ്രസിഡന്റുമാരായ അഭിമന്യു സുരേഷ്,അനൂജ മനോഹരൻ, സിപി ഐ മണ്ഡലം സെക്രട്ടറിയേറ്റ് അംഗം അനി ചെള്ളാങ്കൽ എന്നിവർ പങ്കെടുത്തു. എഐവൈഎഫ് മേഖല കമ്മറ്റിയും അങ്കമാലി ലിറ്റിൽ ഫ്ളവർ ഹോസ്പിറ്റലും സംയുക്തമായി നടത്തിയ ക്യാമ്പിൽ തിമിര ശസ്ത്രക്രിയ സൗജന്യമാണ് കണ്ണടകൾ 30 ശതമാനം ഡിസ്കൗണ്ടിലും നൽകി.
