നെടുമങ്ങാട്: എഐവൈഎഫ് കോലിയക്കോട് മേഖലാ സമ്മേളനം നടത്തി. പ്രതിനിധി സമ്മേളനം ജില്ലാ സെക്രട്ടറി ആർ എസ് ജയൻ ഉദ്ഘാടനം ചെയ്തു. മേഖല പ്രസിഡന്റ് അനൂപ് അധ്യക്ഷതയും സ്വാഗത സംഘം ചെയർമാൻ എം അനിൽകുമാർ സ്വാഗതവും പറഞ്ഞു. സംസ്ഥാന കമ്മിറ്റി അംഗം എ ജി അനുജ, മണ്ഡലം സെക്രട്ടറി ജി ശരത്ത് തുടങ്ങിയവർ സംസാരിച്ചു.
സമ്മേളനം 11 അംഗ മേഖലാ കമ്മിറ്റിയിൽ നിന്ന് ഭാരവാഹികളായി അനിൽകുമാർ (പ്രസിഡന്റ് ), സുനീഷ് (വൈസ് പ്രസിഡന്റ്), ശ്രീലാൽ ( സെക്രട്ടറി), ശ്യാംജിത്ത് (ജോയിന്റ് സെക്രട്ടറി) എന്നിവരെ തെരഞ്ഞെടുത്തു. ജില്ലാതല ബാഡ്മിന്റൺ ടൂർണമെന്റ്, മെഡിക്കൽ ക്യാമ്പ്, ലഹരി വിരുദ്ധ ക്യാമ്പ്, പ്രതിഭ പുരസ്കാരം തുടങ്ങിയ പരിപാടികൾ സംഘടിപ്പിച്ചു.
