കേരളത്തിലെ സർവകലാശാലകളെ കാവിവൽക്കരിക്കാനുളള ഗവർണറുടെ നീക്കങ്ങൾക്കെതിരെ വ്യാപക പ്രതിഷേധവുമായി എഐവൈഎഫ്. ജനാധിപത്യം സംരക്ഷിക്കുക, ഭരണഘടനാ വിരുദ്ധനായ ഗവർണറെ പിൻവലിക്കുക എന്ന മുദ്രാവാക്യമുയർത്തി പാളയം രക്തസാക്ഷി മണ്ഡപത്തിൽ ഇന്ന് വൈകിട്ട് ആറ് മണിക്ക് പ്രതിഷേധം സംഘടിപ്പിക്കും.
ആർ.എസ്.എസ് നോമിനികളെ കാലിക്കറ്റ്-കേരള സർവകലാശാലകളിൽ തിരുകിക്കയറ്റിയതിന് പിന്നാലെ വിദ്യാർഥികളുടെ പ്രതിഷേധം നേരിടുകയാണ് ഗവർണറിപ്പോൾ. സർവകലാശാല ചാൻസലർ പദവി ദുരുപയോഗം ചെയ്താണ് ഇത്തരം ഒരു പ്രവൃത്തി അദ്ദേഹം ചെയ്തത്.
