കൊല്ലം: എഐവൈഎഫ് ദേശീയ സെക്രട്ടറി റോഷൻ കുമാർ സിംഹയെ കള്ളക്കേസിൽ കുടുക്കി ബിഹാർ പോലിസ് ജയിലിൽ അടച്ചതിനും രാജ്യത്ത് വർധിച്ചു വരുന്ന ജനാധിപത്യ വിരുദ്ധ പ്രവർത്തനങ്ങൾക്കും എതിരെ എഐവൈഎഫ് കൊല്ലം ജില്ലയിൽ പ്രതിഷേധം സംഘടിപ്പിച്ചു. വിവിധ സ്ഥലങ്ങളിൽ നടന്ന പ്രതിഷേധ പരിപാടിയിൽ നൂറു കണക്കിന് പ്രവർത്തകർ പങ്കെടുത്തു.
കടയ്ക്കൽ
കള്ളക്കേസിൽ കുടുക്കി ബീഹാർ പൊലീസ് അറസ്റ്റ് ചെയ്ത എഐവൈഎഫ് ബീഹാർ സംസ്ഥാന സെക്രട്ടറി റോഷൻകുമാർ സിൻഹയെ വിട്ടയ്ക്കുക, കേന്ദ്രസർക്കാർ പ്രതിപക്ഷ നേതൃത്വത്തോടുള്ള പ്രതികാരനടപടികൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ച് എഐവൈഎഫ് കടയ്ക്കൽ മണ്ഡലം കമ്മിറ്റിയുടെ നേതൃത്വത്തിൽ കടയ്ക്കൽ ടൗണിൽ ജനാധിപത്യ സംരക്ഷണത്തിനായ് പ്രതിഷേധ പരിപാടി സംഘടിപ്പിച്ചു.
തുടർന്ന് നടന്ന യോഗം എഐവൈഎഫ് ജില്ലാ പ്രസിഡന്റ്‌ ടി. എസ്. നിധീഷ് ഉദ്ഘാടനം ചെയ്തു.എഐവൈഎഫ് കടയ്ക്കൽ മണ്ഡലം പ്രസിഡൻ്റ് സോണി. പി. ചിതറയുടെ അദ്ധ്യക്ഷതയിൽ ചേർന്ന യോഗത്തിൽ എ ഐ വൈ എഫ് മണ്ഡലം സെക്രട്ടറി അഡ്വ. അശോക്. ആർ. നായർ, ജില്ലാ കമ്മിറ്റി അംഗം ആർ. രമേശ്, കൃഷ്ണപ്രശാന്ത്, ഷാരോൺ, അജാസ്, രാജലക്ഷ്മി, കൃഷ്ണപ്രിയ എന്നിവർ സംസാരിച്ചു.
പരവൂർ
കള്ളക്കേസിൽ കുടുക്കി ബീഹാർ പോലീസ് അറസ്റ്റ് ചെയ്ത എഐവൈഎഫ് ബീഹാർ സംസ്ഥാന സെക്രട്ടറി റോഷൻകുമാർ സിൻഹയെ വിട്ടയ്ക്കുക, കേന്ദ്രസർക്കാർ പ്രതിപക്ഷ നേതൃത്വത്തോടുള്ള പ്രതികാരനടപടികൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ച് എഐവൈഎഫ് പരവൂർ മണ്ഡലം കമ്മിറ്റിയുടെ നേതൃത്വത്തിൽ കാലുവാതുക്കലിൽ ജനാധിപത്യ സംരക്ഷണത്തിനായ് പ്രതിഷേധ പരിപാടി സംഘടിപ്പിച്ചു. തുടർന്ന് നടന്ന യോഗം എഐവൈഎഫ് സംസ്ഥാന കമ്മിറ്റി അംഗം നോബൽ ബാബു ഉദ്ഘാടനം ചെയ്തു.
എഐവൈഎഫ് പരവൂർ മണ്ഡലം പ്രസിഡൻ്റ് ബിജിൻ മരക്കുളത്തിന്റെ അദ്ധ്യക്ഷതയിൽ ചേർന്ന യോഗത്തിൽ സംസ്ഥാന കമ്മിറ്റി അംഗം ശ്രീരശ്മി മണ്ഡലം സെക്രട്ടറി അരുൺ ആദർശ്, കണ്ണനുണ്ണി, കിഷോർ രാകേഷ് എന്നിവർ സംസാരിച്ചു.
കൊല്ലം ഈസ്റ്റ്‌
മാടൻനട : കള്ളക്കേസിൽ കുടുക്കി ബീഹാർ പോലീസ് അറസ്റ്റ് ചെയ്ത എഐവൈഎഫ് ബീഹാർ സംസ്ഥാന സെക്രട്ടറി റോഷൻകുമാർ സിൻഹയെ വിട്ടയ്ക്കുക, കേന്ദ്രസർക്കാർ പ്രതിപക്ഷ നേതൃത്വത്തോടുള്ള പ്രതികാരനടപടികൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ച് എഐവൈഎഫ് കൊല്ലം ഈസ്റ്റ്‌ മണ്ഡലം കമ്മിറ്റിയുടെ നേതൃത്വത്തിൽ മാടൻനടയിൽ ജനാധിപത്യ സംരക്ഷണത്തിനായ് പ്രതിഷേധ പരിപാടി സംഘടിപ്പിച്ചു.
തുടർന്ന് നടന്ന യോഗം എഐവൈഎഫ് സംസ്ഥാന ജോ. സെക്രട്ടറി സ. വിനീത വിൻസന്റ് ഉദ്ഘാടനം ചെയ്തു.എഐവൈഎഫ് കൊല്ലം ഈസ്റ്റ്‌ മണ്ഡലം പ്രസിഡൻ്റ് എസ്. സൂരജിന്റെ അദ്ധ്യക്ഷതയിൽ ചേർന്ന യോഗത്തിൽ എ ഐ വൈ എഫ് മണ്ഡലം സെക്രട്ടറി എസ് . ഷംനാദ് സ്വാഗതം പറഞ്ഞു. ജില്ലാ എക്സിക്യൂട്ടീവ് അംഗം വി ആർ ആനന്ദ് അഭിവാദ്യം ചെയ്ത് സംസാരിച്ചു .
സിപിഐ കൊല്ലം ഈസ്റ്റ്‌ മണ്ഡലം സെക്രട്ടറിയേറ്റ് മെമ്പർ എ. നൗഷാദ്,വടക്കേവിള ലോക്കൽ കമ്മിറ്റി സെക്രട്ടറി സജി മാടൻനട ,എഐഎസ്എഫ് കൊല്ലം ഈസ്റ്റ്‌ മണ്ഡലം പ്രസിഡന്റ്‌ ജ്യോതിഷ്, സെക്രട്ടറി മുജീബ് എന്നിവർ സംസാരിച്ചു.എഐവൈഎഫ് കൊല്ലം ഈസ്റ്റ്‌ മണ്ഡലം ജോയിൻ സെക്രട്ടറി സ അഷ്‌കർ നന്ദി പറഞ്ഞു.
