തിരുവനന്തപുരം: സ്വകാര്യ ടെലികോം കമ്പനികളുടെ അന്യായ നിരക്ക് വർധനവിനെതിരെ എഐവൈഎഫ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ എജീസ് ഓഫിസിലേക്ക് മാർച്ച് സംഘടിപ്പിച്ചു. എഐവൈഎഫ് സംസ്ഥാന പ്രസിഡന്റ് എൻ അരുൺ മാർച്ച് ഉദ്ഘാടനം ചെയ്തു.
സ്വകാര്യ ടെലികോം കമ്പനികൾ ജനങ്ങളെ വെല്ലുവിളിക്കുകയാണെന്നും ടെലികോം കമ്പനികൾ ഈ നയത്തിൽ നിന്ന് പിന്മാറണമെന്നും അദ്ദേഹം ആവശ്യപ്പെട്ടു. സെക്രട്ടേറിയറ്റിന് സമീപത്തു നിന്നും ആരംഭിച്ച മാർച്ചിൽ ജില്ലാ സെക്രട്ടറി ആദർശ്കൃഷ്ണ, പ്രസിഡന്റ് കണ്ണൻ എസ് ലാൽ, എഐഎസ്എഫ് ജില്ലാ സെക്രട്ടറി പി ആന്റസ് എന്നിവർ സംസാരിച്ചു.
