കേന്ദ്ര ബജറ്റിൽ കേരളത്തോടുള്ള കടുത്ത അവഗണനയ്ക്കും കോർപ്പറേറ്റ് വൽക്കരണത്തിനും യുവജന വഞ്ചനയ്ക്കും എതിരെ എഐവൈഎഫ് കൊല്ലം ഈസ്റ്റ് മണ്ഡലം കമ്മിറ്റി അയത്തിൽ ജംഗ്‌ഷനിൽ പ്രതിഷേധ പ്രകടനം സംഘടിപ്പിച്ചു . പ്രതിഷേധ പരിപാടി സിപിഐ കൊല്ലം ഈസ്റ്റ് മണ്ഡലം സെക്രട്ടറി എ ബിജു ഉദ്ഘാടനം ചെയ്തു. എഐവൈഎഫ് കൊല്ലം ഈസ്റ്റ് മണ്ഡലം പ്രസിഡന്റ് എസ് സൂരജ് അധ്യക്ഷനായി.
എഐവൈഎഫ് ജില്ല എക്സിക്യൂട്ടീവ് അംഗം വി ആർ ആനന്ദ്, സിപിഐ കൊല്ലം ഈസ്റ്റ് മണ്ഡലം സെക്രട്ടറിയേറ്റ് അംഗം എ നൗഷാദ് ലോക്കൽ കമ്മിറ്റി സെക്രട്ടറി ദിലീപ് മുഹമ്മദ് എന്നിവർ സംസാരിച്ചു. എഐഎസ്എഫ് കൊല്ലം ഈസ്റ്റ് മണ്ഡലം പ്രസിഡന്റ് ജ്യോതിഷ് നന്ദി പറഞ്ഞു. ഹരിലാൽ, അനീഷ്, സിദ്ധിഖ്, സുറുമി, എന്നിവർ നേതൃത്വം നൽകി.
