ആലപ്പുഴ: കായംകുളം ഗവണ്മെന്റ് ഹോസ്പിറ്റലിൽ ഒ പി ടിക്കറ്റ് നിരക്ക് 10 രൂപയായി വർധിപ്പിച്ച എച്ച്എംസി തീരുമാനം പിൻവലിക്കണമെന്ന് ആവിശ്യപ്പെട്ടു കൊണ്ട് എഐവൈഎഫ് കായംകുളം മണ്ഡലം കമ്മിറ്റി പ്രതിഷേധ ധർണ സംഘടിപ്പിച്ചു. കായംകുളം മണ്ഡലം പ്രസിഡന്റ് സിജുമോന്റെ അധ്യക്ഷതയിൽ ചേർന്ന പ്രതിഷേധ ധർണ എഐവൈഎഫ് ആലപ്പുഴ ജില്ലാ വൈസ് പ്രസിഡന്റ് ശ്രീജേഷ് ഉദ്ഘാടനം ചെയ്തു.
എഐവൈഎഫ് കായംകുളം മണ്ഡലം സെക്രട്ടറി രാകേഷ് സ്വാഗതം ആശംസിച്ചു. ജില്ലകമ്മിറ്റി അംഗം മഞ്ജു നന്ദി രേഖപ്പെടുത്തി. മണ്ഡലം വൈസ് പ്രസിഡന്റ് നിസാം സാഗർ മണ്ഡലം കമ്മിറ്റി അംഗങ്ങളായ അൻഷാദ്, അൻസർ, ഷാലോം,നീതുഷാ , ചിത്രലേഖ, ഷെഫീഖ് , നിഷാദ്, അസർ തുടങ്ങിയവർ ധർണമയിൽ പങ്കെടുത്തു.
