ഓച്ചിറ:സ്വാതന്ത്ര്യ സംരക്ഷണത്തിന് സമരഭരിത യൗവ്വനം എന്ന മുദ്രാവാക്യമുയര്‍ത്തി ആഗസ്റ്റ് 15 ന് എഐവൈഎഫ് സംഘടിപ്പിക്കുന്ന സ്വാതന്ത്ര്യ സംരക്ഷണ സംഗമം എന്ന പരിപാടിയുടെ പ്രചരണാര്‍ത്ഥം എ ഐ വൈ എഫ് ഓച്ചിറ മണ്ഡലം കമ്മിറ്റിയുടെ നേതൃത്വത്തില്‍ ‘യുവതയും കൃഷിയിലേക്ക്’ എന്ന ആശയം ഉയര്‍ത്തിപ്പിടിച്ച് ചെണ്ടുമല്ലികൃഷി ആരംഭിച്ചു.
മണ്ഡലം പ്രസിഡന്റ് ആര്‍.നിധിന്‍രാജിന്റെ അദ്ധ്യക്ഷതയില്‍ ചേര്‍ന്ന പരിപാടിയില്‍ ജില്ലാ സെക്രട്ടറി റ്റി.എസ്.നിധീഷ് ഉദ്ഘാടനം ചെയ്തു. സി പി ഐ മണ്ഡലം സെക്രട്ടറി എസ്.കൃഷ്ണകുമാര്‍,സി പി ഐ ജില്ലാ കമ്മിറ്റി അംഗം കടത്തൂര്‍മന്‍സൂര്‍, സംഘാടക സമിതി ചെയര്‍പേഴ്‌സണ്‍ എസ്.ഗീതാകുമാരി, എ ഐ വൈ എഫ് ജില്ല ജോയിന്റ് സെക്രട്ടറി ആര്‍.ശരവണന്‍, അഡ്വ.അനന്തു.എസ്.പോച്ചയില്‍ ,എ ഐ എസ് എഫ് ജില്ലാ സെക്രട്ടറിയേറ്റ് അംഗങ്ങളായ എസ്.കാര്‍ത്തിക് , അഡ്വ:അഖില കൃഷ്ണ എന്നിവര്‍ അഭിവാദ്യം ചെയ്തു സംസാരിച്ചു. എഐവൈഎഫ് മണ്ഡലം സെക്രട്ടറി അരവിന്ദ്.എസ്.സുരാജ് സ്വാഗതവും മണ്ഡലം ജോയിന്റ് സെക്രട്ടറി ശ്രീഹരി പി.എസ് നന്ദിയും രേഖപ്പെടുത്തി. എ ഐ വൈ എഫ് മണ്ഡലം വൈസ് പ്രസിഡന്റ് ആര്‍.അഭിരാജ്, ജോയിന്റ് സെക്രട്ടറി എസ്.ശ്യാംകുമാര്‍, മണ്ഡലം കമ്മിറ്റി അംഗങ്ങളായ ആശാദേവി, ബിനീഷ്, അയ്യപ്പന്‍, ജെയിംസ് ഷാരോണ്‍,അജിതകുമാരി, മിധിന്‍രാജ്,ശ്രീകുട്ടന്‍ എന്നിവര്‍ നേതൃത്വം നല്‍കി.
