പത്തനംത്തിട്ട: എഐവൈഎഫ് സംസ്ഥാന ക്യാമ്പിന് മാർച്ച്18 നു കൊടി ഉയരും. മാർച്ച് 18, 19 തിയതികളിൽ പത്തനംതിട്ട നിലയ്ക്കലിൽ സംസ്ഥാന ക്യാമ്പിന് ആരംഭമാകും. റി ട്രീറ്റ് സെന്ററിൽ ചേരുന്ന ക്യാമ്പിൽ ദേശീയ സംസ്ഥാന നേതാക്കൾ ഉൾപ്പടെയുളളവർ പങ്കെടുക്കും. സംസ്ഥാന ക്യാമ്പിനു മുന്നോടിയായി നടക്കുന്ന ജില്ലാ ക്യാമ്പുകൾക്ക് ഈ ആഴ്ച സമാപനമാവും.
കൊല്ലം ജില്ലാ ക്യാമ്പ് മാർച്ച് 11, 12 തിയതികളിൽ ചാത്തന്നൂരിൽ വച്ച് നടക്കും. എഐവൈഎഫ് ആലപ്പുഴ ജില്ലാ ക്യാമ്പ് റവന്യു മന്ത്രി കെ രാജൻ ഉദ്ഘാടനം ചെയ്യും. മാവേലിക്കര മുൻസിപ്പൽ ഹാളിൽ വെച്ച് മാർച്ച് 11, 12 തിയതികളിലാണ് ക്യാമ്പ് നടക്കുക.
എഐവൈഎഫ് എറണാകുളം ജില്ലാ ക്യാമ്പ് സംസ്ഥാന സെക്രട്ടറി ടി ടി ജിസ്മോൻ ഉദ്ഘാടനം നിർവഹിക്കും. മാർച്ച് 10, 11 തിയതികളിൽ അങ്കമാലിയിൽ വച്ചായിരിക്കും ക്യാമ്പ് സംഘടിപ്പിക്കുക.
മലപ്പുറം ജില്ലാ ക്യാമ്പ് മാർച്ച് 10, 11 തിയതികളിൽ തിരൂർ ആളൂർ പ്രഭാകരൻ നഗറിൽ നടക്കും. കോഴിക്കോട് ജില്ലാ ക്യാമ്പ് 10, 11 തിയതികളിൽ തലക്കുളത്തൂറിൽ വെച്ച് എഐവൈഎഫ് സംസ്ഥാന പ്രസിഡന്റ് എൻ അരുൺ ഉദ്ഘാടനം നിർവഹിക്കും. കാസർകോട് ജില്ലാ ക്യാമ്പ് 2023 മാർച്ച് 12,13 ന് നടക്കും.
