എഐവൈഎഫ് സേവ് ഇന്ത്യ മാർച്ചിൽ പങ്കെടുക്കാൻ പോകുന്നവഴിക്ക് വാഹനാപകടത്തിൽപ്പെട്ട് ഗുരുതരമായി പരിക്കേറ്റ സഖാവ് നിഗിഷ്മയ്ക്ക് കൈത്താങ്ങേകാൻ എഐവൈഎഫ്. എഐവൈഎഫിന്റെ സംസ്ഥാന നേതൃത്വം മുൻകൈയെടുത്താണ് നിഗിഷ്മയുടെ ചികിത്സയ്ക്ക് ആവശ്യമായ ചിലവ് കണ്ടെത്തുന്നത്.
ചികിത്സയ്ക്കായി വലിയ തുക നിഗിഷ്മയുടെ കുടുംബത്തിനു കണ്ടേത്തണ്ട സാഹചര്യത്തിലാണ് എഐവൈഎഫ് ചികിത്സ സഹായം ശേഖരിക്കുവാൻവേണ്ടി രംഗത്തിറങ്ങിയിരിക്കുന്നത്. എഐവൈഎഫിന്റെയും എഐഎസ്എഫിന്റെയും സജീവ പ്രവർത്തകയാണ് നിഗിഷ്മ. സിപിഐ വണ്ടൂർ ലോക്കൽ കമ്മിറ്റിയിലെ പുല്ലൂർ ബ്രാഞ്ച് സെക്രട്ടറി ശിവദാസന്റെ മകളാണ്.
പ്രസ്ഥാനത്തോട് അങ്ങേയറ്റം കൂറും ആത്മാർത്ഥതയും പുലർത്തിയ വിദ്യാർത്ഥിനിയായ സഖാവിന്റെ ചികിത്സയ്ക്കായുള്ള ഉത്തരവാദിത്വം എഐവൈഎഫ് നിറവേറ്റേണ്ടതാണെന്ന് സംസ്ഥാന നേതൃത്വം വ്യക്തമാക്കി.
അതിന്റെ ഭാഗമയി എഐവൈഎഫ് പ്രവർത്തകരിൽ നിന്നും പ്രസ്ഥാനത്തെ സ്നേഹിക്കുന്നവരിൽ നിന്നും ചികിത്സക്ക് ആവശ്യമായ തുക കണ്ടെത്തുവാനാണ് എഐവൈഎഫ് സംസ്ഥാന കമ്മിറ്റി തീരുമാനിച്ചിരിക്കുന്നതെന്ന് പ്രസിഡന്റ് എൻ അരുണും സെക്രട്ടറി ടി ടി ജിസ്മോനും വ്യക്തമാക്കി.
Account details
Secretary, AIYF State Committee
A/CNo-. 67171234855
IFSC- SBIN0070026
SBI, Puthenchanthai Branch,
Trivandrum,Kerala
