തിരുവനന്തപുരം: വൈക്കം സത്യാ​ഗ്രഹ ശതാബ്ദി ആഘോഷങ്ങളുടെ ഭാ​ഗമായി സത്യാ​ഗ്രഹികളുടെ സ്മരണകൾക്ക് മുന്നിൽ സ്മൃതി ജ്വാല തെളിയിക്കാനൊരുങ്ങി എഐവൈഎഫ്. യൂണിറ്റുകളിലും പ്രവർത്തകരുടെ ഭവനങ്ങളിലും ഉൾപ്പെടെ ഒരു ലക്ഷം സ്മൃതി ജ്വാലകൾ തെളിയിക്കാൻ എഐവൈഎഫ് സംസ്ഥാന നേതൃത്വം പദ്ധതിയിട്ടിരിക്കുന്നത്. ഇന്ന് സംസ്ഥാന വ്യാപകമായി സത്യാഗ്രഹികളുടെ ത്യാ​ഗങ്ങളെ ഓർമ്മപ്പെടുത്തി അവർക്ക് ആദരം അർപ്പിച്ച് സ്മൃതി ജ്വാലകൾ തെളിയും.