കോന്നി: അധ്യയന വർഷാരംഭത്തിന് മുന്നോടിയായി എഐ വൈഎഫ് – എഐഎസ്എഫ് പ്രവർത്തകർ ശുചീകരണ പ്രവർത്തനങ്ങൾ നടത്തി. എഐഎസ്എഫ് – എഐവൈഎഫ് നേതൃത്വത്തിൽ അടൂർ ബോയിസ് ഹൈസ്കൂളിൽ നടത്തിയ ശുചീകരണ പ്രവർത്തനം എഐവൈഎഫ് ജില്ലാ സെക്രട്ടറി എസ് അഖിൽ ഉദ്ഘാടനം ചെയ്തു. ബിബിൻ എബ്രഹാം, അശ്വിൻ മണ്ണടി, എസ് ദേവദത്ത്, പ്രദീഷ് പി, ഡെന്നി തോമസ്, ശ്രീകുമാർ വില്യം, അതുൽ തേജസ്, ജിത്തു, ആഷിക്, സച്ചു, അഫ്സൽ, ജോൺ എന്നിവർ നേതൃത്വം നൽകി.
എഐവൈഎഫ് മലയാലപ്പുഴ മേഖല കമ്മറ്റിയുടെ നേതൃത്വത്തിൽ മലയാലപ്പുഴ ജെഎംപി എച്ച്എസ് ശുചീകരിച്ചു. സിപിഐ മലയാലപ്പുഴ ലോക്കൽ സെക്രട്ടറി സി ജി പ്രദീപ്, മേഖല സെക്രട്ടറി ശ്യാം രാജ്, പ്രസിഡന്റ് രാഹുൽ കൃഷ്ണൻ, മണ്ഡലം കമ്മറ്റി അംഗം ധനേഷ്, അജു, ദീപു മുക്കുഴി, അനീഷ്, ശ്യാം, ദീപു ഇലക്കുളം തുടങ്ങിയവർ നേതൃത്വം നൽകി.
മഴക്കാല ശുചീകരണ യജ്ഞത്തിന്റെ ഭാഗമായി എഐവൈഎഫ് റാന്നി മണ്ഡലം കമ്മിറ്റി ഇടമുറി ഗവ. എച്ച്എസ് സ്കൂളും പരിസരവും ശുചീകരിച്ചു. ജില്ല പ്രസിഡന്റ് അഡ്വ. സുഹാസ് എം ഹനീഫ് ഉദ്ഘാടനം ചെയ്തു. മേഖല സെക്രട്ടറി സ്റ്റീഫൻ ഇടമുറി അധ്യക്ഷത വഹിച്ചു. എഐവൈഎഫ് റാന്നി മണ്ഡലം സെക്രട്ടറി വിപിൻ പി പൊന്നപ്പൻ, പ്രസിഡന്റ് അനീഷ് മോൻ പി, മനോജ് സി ആർ, ജോഷി മടുത്തുപടി, സഫിൻ, ജിത്തു ഇടമുറി എന്നിവർ നേതൃത്വം നൽകി. സ്കൂൾ പ്രഥമാധ്യാപിക സ്കൂൾ ആശാറാണി, അധ്യാപകരായ ഉമേഷ് സി ജി, സിനി പി എന്നിവർ ആശംസ അറിയിച്ചു.
