എസ്എസ്എൽസി പ്ലസ്ടു പരീക്ഷയിൽ മികച്ച വിജയം സ്വന്തമാക്കിയ വിദ്യാർത്ഥികൾക്ക് എഐവൈഎഫിന്റെ ആദരം. എഐവൈഎഫ് വയനാട് ജില്ലാ കമ്മിറ്റിയുടെ ആഭിമുഖ്യത്തിലാണ് പരീക്ഷയിൽ മികച്ച നേട്ടം കൈവരിച്ചവരെ അനുമോദിച്ചത്. സിപിഐ സംസ്ഥാന കമ്മിറ്റി അംഗവും മുൻ വയനാട് ജില്ലാ സെക്രട്ടറിയുമായിരുന്ന വിജയൻ ചെറുങ്ങര ഉദ്ഘാടനം നിർവഹിച്ചു.
എഐവൈഎഫ് ജില്ലാ പ്രസിഡൻ്റ് സുമേഷ് അധ്യക്ഷത വഹിച്ച യോഗത്തിൽ സെക്രട്ടറി നിഖിൽ പത്മനാഭൻ സ്വാഗതവും പറഞ്ഞു. വിൻസന്റ് പുത്തേട്ട്, റഹിം, സൗമ്യ, അജീഷ് തുടങ്ങിയവർ അഭിവാദ്യം ചെയ്ത് സംസാരിച്ചു.
