വൈക്കം: ടി വി പുരം നോർത്ത് മേഖലാ കൺവൻഷനോടനുബന്ധച്ച് ഭഗത് സിംഗ് യൂത്ത് ഫോഴ്സ് അഖില കേരള വോളിബോൾ ടൂർണ്ണമെന്റ് സംഘടിപ്പിക്കാനൊരങ്ങി എഐവൈഎഫ്. ഡിസംബർ 10, 11 തീയതികളിൽ എഐവൈഎഫ് ടി വി പുരം മേഖല കമ്മിറ്റിയുടെ ആഭിമുഖ്യത്തിലാണ് ടൂർണമെന്റ് സംഘടിപ്പിച്ചിരിക്കുന്നത്. ചെമ്മനത്തുകര എമ്പ്രാം മഠം ഫ്ലെഡ് ലൈറ്റ് സ്റ്റേഡിയത്തിൽ നടക്കുന്ന ടൂർണമെന്റിൽ കേരളത്തിലെ പ്രമുഖ ടീമുകൾ അണിനിരക്കും.
സെന്റ് ജോർജ്ജ് അരുവിത്തുറ, സെന്റ് പീറ്റേഴ്സ് കോലഞ്ചേരി, ബി പി സി പിറവം, ഡിസ്ട്രിക്റ്റ് പൊലീസ് എറണാകുളം, ഉദയ വെട്ടക്കൽ, ബ്രദേഴ്സ് വൈക്കം തുടങ്ങിയ ടീമുകൾ ടൂർണമെന്റിൽ അണിനിരക്കും. ഡിസംബർ 10 ന് നടക്കുന്ന ഉദ്ഘാടന സമ്മേളനത്തിൽ മേഖലാ പ്രസിഡന്റ് അനുപ് കുമാർ എം എസ് അധ്യക്ഷത വഹിക്കും. എസ്.പ്രതാപൻ സ്വാഗതമാശംസിക്കും. വോളിബോൾ നാഷണൽ പ്ലയറും അർജ്ജുന അവാർഡ് ജേതാവുമായ ടോം ജോസ് ഉദ്ഘാടനം നിർവ്വഹിക്കും. ഡിസംബർ 11 ന് സമാപന ദിവസ ഉദ്ഘാടനവും സമ്മാനദാനവും വൈക്കം എംഎൽഎ സി കെ ആശ നിർവ്വഹിക്കും.
