പരിസ്ഥിതി ദിനത്തോടനുബന്ധിച്ച് എഐവൈഎഫ് ഭഗത് സിംഗ് യൂത്ത് ഫോഴ്സ് പൂഞ്ഞാർ മണ്ഡലം കമ്മിറ്റിയുടെ നേതൃത്വത്തിൽ വിനോദസഞ്ചാരകേന്ദ്രമായ വാഗമൺ കാരിയട് ടോപ്പ് പരിസരത്ത് ശുചീകരണപ്രവർത്തനങ്ങൾ സംഘടിപ്പിച്ചു. വിദേശ സഞ്ചാരികളടക്കം വാഗമൺ സന്ദർശിക്കുന്ന നിരവധി വിനോദസഞ്ചാരികളെത്തുന്ന ഒരു പ്രദേശമാണ് കാരിയട് ടോപ്പ്. ഈ പ്രദേശത്ത് കാടുകൾ വെട്ടി തെളിക്കുകയും, തണൽ മരങ്ങൾ വെച്ചുപിടിപ്പിക്കുകയും ചെയ്തു.
ശുചീകരണ പ്രവർത്തനങ്ങൾ എഐവൈഎഫ് ജില്ലാ സെക്രട്ടറി ഷമ്മാസ് ലത്തീഫ് ഉദ്ഘാടനം ചെയ്തു. ഭഗത്‌സിംഗ് യൂത്ത് ഫോഴ്സ് ജില്ലാ ക്യാപ്റ്റൻ സഹദ് കെ സലാം, മണ്ഡലം സെക്രട്ടറി ആർ രതീഷ്, പ്രസിഡന്റ് ബാബു ജോസഫ്, ജില്ലാ കമ്മിറ്റി അംഗം റജീന, ഈരാറ്റുപേട്ട മുനിസിപ്പൽ സെക്രട്ടറി അമീൻ കെ ഇ, നിസാം, ഷമൽ, ബിജോയ് സെബാസ്റ്റിയൻ, വിനീഷ് പി എസ്, നഹാസ്, തൻസീർ തുടങ്ങിയവർ പങ്കെടുത്തു.
