കോട്ടയം: പരിസ്ഥിതി വാരാചരണത്തിൻ്റെ ഭാഗമായി എഐവൈഎഫ് കോട്ടയം ജില്ലാ കമ്മിറ്റിയുടെ നേതൃത്വത്തിൽ കോട്ടയം മെഡിക്കൽ കോളജിൽ ശുചീകരണ പ്രവർത്തനങ്ങൾ സംഘടിപ്പിച്ചു. കോട്ടയം മെഡിക്കൽ കോളജ് പരിസരത്ത് കാട്കയറിയതും ചപ്പ് ചവറുകൾ നിറഞ്ഞതുമായ ഭാഗങ്ങൾ ഭഗത്‌സിങ് യൂത്ത്ഫോഴിസിന്റെ പ്രവർത്തകർ വൃത്തിയാക്കി.
സിപിഐ കോട്ടയം ജില്ലാ സെക്രട്ടറി അഡ്വ.വി ബി ബിനു ശുചീകരണപ്രവർത്തനങ്ങളുടെ ഉദ്ഘാടനം നിർവഹിച്ചു. എഐവൈഎഫ് ജില്ലാ പ്രസിഡന്റ് കെ രഞ്ജിത്ത് അധ്യക്ഷത വഹിച്ച യോഗത്തിൽ സെക്രട്ടറി ഷമ്മാസ് ലത്തീഫ് സ്വാഗതം പറഞ്ഞു. സിപിഐ ജില്ലാ അസിസ്റ്റന്റ് സെക്രട്ടറി ജോൺ വി ജോസഫ്, ഏറ്റുമാനൂർ പാർട്ടി മണ്ഡലം സെക്രട്ടറിയേറ്റ് അംഗങ്ങളായ സി വി ചെറിയാൻ, പി കെ സുരേഷ്, എഐവൈഎഫ് സംസ്ഥാന കമ്മിറ്റി അംഗം പി ആർ ശരത് കുമാർ തുടങ്ങിയവർ പങ്കെടുത്തു.
ജില്ലാ കമ്മിറ്റി അംഗങ്ങളായ കെ കെ രാജേഷ്, അജിത്ത് വാഴൂര്, നന്ദു ജോസഫ്, എൻ എസ് സന്തോഷ് കുമാർ, ജിജോ ജോസഫ്, ഫസൽ മാടത്താനി, ഷാജോ എസ്, ആർ രതീഷ്, മാത്യൂസ് ദേവസ്യ, മുഹമ്മദ് നജീബ്, അമൽരാജ്, സന്തോഷ് കൃഷ്ണൻ, അജിൻ കുര്യൻ, ലിജോ ജോസഫ്, സച്ചിൻ സദാശിവൻ, റെജീന ബദറുനിസ, ജോസ്‌നി ബാബു തുടങ്ങിയ സഖാക്കൾ നേതൃത്വം നൽകി.
