കോന്നി: ഭഗത് സിങ് രക്തസാക്ഷി ദിനത്തിൽ സൗജന്യ രക്ത ഗ്രൂപ്പ് നിർണയ ക്യാമ്പും രക്തദാനസേന രൂപീകരണവുമായി എഐവൈഎഫ്. എഐവൈഎഫ് കോന്നി മേഖലകമ്മിറ്റിയുടെ നേതൃത്വത്തിലാണ് ക്യാമ്പ് സംഘടിപ്പിക്കുന്നത്.
ഭഗത് സിങ് 92-ാം രക്തസാക്ഷി ദിനമായ മാർച്ച് 23 ന് രാവിലെ 9.30 മുതൽ കോന്നി ടൗണിൽ ക്യാമ്പ് ആരംഭിക്കും. ക്യമ്പിന്റെ ഉദ്ഘാടനം സിപിഐ ജില്ലാ അസിസ്റ്റന്റ് സെക്രട്ടറി പി ആർ ഗോപിനാഥൻ നിർവഹിക്കും.
