ആലപ്പുഴ: എഐവൈഎഫ് ചേർത്തല സൗത്ത് അരീപ്പറമ്പ് മേഖലാ കമ്മിറ്റിയുടെയും ചൈതന്യ ഐ ഹോസ്പിറ്റലിന്റെയും നേതൃത്വത്തിൽ സൗജന്യ നേത്ര ചികിത്സാ ക്യാമ്പിന്റെ ഉദ്ഘാടനം സംസ്ഥാന സെക്രട്ടറി ടി ടി ജിസ്മോൻ നിർവഹിച്ചു.
ജില്ലാ എക്സിക്യൂട്ടീവ് അംഗം സാംജു സന്തോഷ്, മണ്ഡലം പ്രസിഡന്റ് വിശാൽ വിജയൻ, മണ്ഡലം സെക്രട്ടറി ബ്രൈറ്റ് എസ് പ്രസാദ്, ലോക്കൽ കമ്മിറ്റി സെക്രട്ടറി കെ പി മോഹനൻ, പഞ്ചായത്ത് വൈസ് പ്രസിഡന്റ് നിബു എസ് പത്മം എന്നിവർ പങ്കെടുത്തു. മേഖലാ പ്രസിഡന്റ് പ്രവീൺ കുമാർ, മേഖലാ സെക്രട്ടറി പ്രവീൺ ആലക്കാട്ടുശ്ശേരി, സഖാക്കൾ അബനീഷ്, സ്രാവൺ,അഷിത,അനുരാജ് തുടങ്ങിയവർ നേതൃത്വം നൽകി.
