അരുവിക്കര: എഐവൈഎഫ് സേവ് ഇന്ത്യ മാർച്ച്‌ പ്രചരണാർത്ഥം അരുവിക്കര മണ്ഡലം കമ്മിറ്റി ക്രിക്കറ്റ്‌ ടൂർണമെന്റ് സംഘടിപ്പിച്ചു. സിപിഐ പറണ്ടോട് ലോക്കൽ കമ്മിറ്റി സെക്രട്ടറി ഷിജു പുറുത്തിപ്പാറ ഉദ്ഘാടനം നിർവഹിച്ചു. സമാപനയോഗത്തിൽ ടൂർണ്ണമെന്റ് കമ്മറ്റി ചെയർമാൻ സന്ദീപ് അധ്യക്ഷത വഹിച്ചു. ടൂർണമെന്റ് കമ്മിറ്റി കൺവീനർ ജിത്തു സജീവ് സ്വാഗതം പറഞ്ഞു.
ഒന്നാം സമ്മാനത്തിന് അർഹരായ മാട്രിക്സ് ന്യൂസിറ്റി ടീം അംഗങ്ങൾക്ക് ക്യാഷ് പ്രൈസും ട്രോഫിയും ഷിജു പുറുത്തിപ്പാറ നൽകി, രണ്ടാം സമ്മാനത്തിന് അർഹരായ ആർ കെ ഹിറ്റേർസ് ടീം അംഗങ്ങൾക്ക് ക്യാഷ് പ്രൈസും ട്രോഫിയും എഐവൈഎഫ് അരുവിക്കര മണ്ഡലം പ്രസിഡന്റ് സഖാവ് വിതുര സന്തോഷ് നൽകി, ബെസ്റ്റ് ബാറ്റ്സ്മാൻ ഉള്ള അവാർഡ് എഐഎസ്എഫ് അരുവിക്കര മണ്ഡലം സെക്രട്ടറി സഖാവ് അക്ഷയ് നൽകി.
ബെസ്റ്റ് ബൗളർക്ക് ഉള്ള അവാർഡ് എഐവൈഎഫ് അരുവിക്കര മണ്ഡലം വൈസ് പ്രസിഡന്റ് ആർ എസ് രാഹുൽ നൽകി. യോഗത്തിൽ ഭഗത് സിംഗ് യൂത്ത് ഫോഴ്സിന്റെ അരുവിക്കര മണ്ഡലം കോഡിനേറ്റർ സഖാവ് അതുൽ കൃതജ്ഞത രേഖപ്പെടുത്തി.
