കൊച്ചി: കേരളത്തിൽ തൊഴിൽ ചെയ്യുന്ന അതിഥി തൊഴിലാളികളുടെ ക്ഷേമം ലക്ഷ്യമാക്കി പ്രവർത്തിക്കുന്ന അതിഥി സൗഹൃദ സമിതിയുടെ നേതൃത്വത്തിൽ ഏർപ്പെടുത്തിയ സൗഹൃദ 2023 പുരസ്കാരം അവകാശികൾ എന്ന സിനിമയുടെ രചയിതാവും സംവിധായകനുമായ എൻ അരുണിന്. ഇതര സംസ്ഥാന തൊഴിലാളികളുടെ ജീവിതം പറഞ്ഞ സിനിമയാണ് അവകാശികൾ .
ക്യാഷ് അവാർഡും പ്രശക്തി പത്രവും മെമന്റോയും ഉൾപ്പെടുന്ന അവാർഡ് ഫെബ്രുവരി പന്ത്രണ്ടിന് വൈകിട്ട് ആറിന് പെരുമ്പാവൂർ സ്റ്റേഡിയം ഗ്രൗണ്ടിൽ നടക്കുന്ന അതിഥി തൊഴിലാളി സംഗമത്തിൽ സമ്മാനിക്കും. ചടങ്ങിൽ ചിത്രത്തിന്റെ അണിയറ പ്രവർത്തകർക്കുള്ള അനുമോദനവും നടക്കുമെന്ന് ഭാരവാഹികളായ പിഎഎസ് അബൂബക്കർ , ഗസൽ ഗായകൻ മുഹമ്മദ് നിസാർ എന്നിവർ അറിയിച്ചു.
