കോഴിക്കോട്: സി അച്യുതമേനോൻ സ്മാരക സെവൻസ് ഫുട്ബോൾ ടൂർണമെന്റ് റവന്യു മന്ത്രി കെ രാജൻ ഉദ്ഘാടനം ചെയ്യും. എഐവൈഎഫ് വെസ്റ്റ്ഹിൽ മേഖല കമ്മിറ്റിയുടെ ആഭിമുഖ്യത്തിലാണ് സെവൻസ് ഫുട്ബോൾ സംഘടിപ്പിക്കുക.
ഏപ്രിൽ24 മുതൽ 29 വരെ വെസ്റ്റ്ഹിൽ പോളിടെക്നിക് ഫ്‌ലഡ്‌ലൈറ്റ് സ്റ്റേഡിയത്തിൽ വച്ചായിരിക്കും ടൂർണമെന്റുകൾ സംഘടിപ്പിക്കുന്നത്. മത്സരത്തിൽ വിജയികളാകുന്ന ടീമിനു ഒരു ലക്ഷം രൂപയും രണ്ടാം സമ്മാനം സ്വന്തമാക്കുന്ന ടീമിനു അമ്പതിനായിരം രൂപയും ലഭിക്കും.
