എഐവൈഎഫ് കാഞ്ഞിരപ്പള്ളി മണ്ഡലം കമ്മറ്റിയുടെ നേതൃത്വത്തിൽ പ്രമുഖ പരിസ്ഥിതി പ്രവർത്തകനും വൃക്ഷ വൈദ്യനുമായ കെ ബിനുവിനെ പരിസ്ഥിതി ദിനത്തിൽ സിപിഐ ജില്ലാ അസിസ്റ്റന്റ് സെക്രട്ടറി ജോൺ വി ജോസഫ് ആദരിച്ചു. കാനം രാജേന്ദ്രന്റെ സ്മൃതി മണ്ഡപത്തിലാണ് പരിപാടി സംഘടിപ്പിച്ചത്.
ചടങ്ങിൽ ജില്ലാ ജോയിന്റ് സെക്രട്ടറി അജിത് വാഴൂർ, മണ്ഡലം പ്രസിഡൻ്റ് അഖിൽ ആർ നായർ, മണ്ഡലം സെക്രട്ടറി ഫസൽ മാടത്താനി, സംഘടനാ ചുമതലക്കാരനായ സുരേഷ് കെ ഗോപാൽ,മണ്ഡലം എക്സിക്യൂട്ടീവ് അംഗങ്ങളായ രതീഷ് ചന്ദ്രൻ, രജീഷ് പരമേശ്വരൻ, രാജ്‌മോഹൻ, സിറാജ്, അശ്വിൻ അഴകത്ത്, വാഴൂർ മേഖല സെക്രട്ടറി സുബിൻ, പ്രസിഡന്റ് ഷേർഷാ എന്നിവർ പങ്കെടുത്തു.
പരിസ്ഥിതി വാരാചരണത്തോട് അനുബന്ധിച്ച് ജില്ലയുടെ വിവിധ കേന്ദ്രങ്ങളിൽ എഐവൈഎഫ് പരിപാടികൾ സംഘടിപ്പിക്കുന്നു. ഭഗത് സിംഗ് യൂത്ത് ഫോഴ്സ് പൂഞ്ഞാർ മണ്ഡലം കമ്മിറ്റിയുടെ നേതൃത്വത്തിൽ വിനോദസഞ്ചാരകേന്ദ്രമായ വാഗമൺ കാരിയട് ടോപ്പ് പരിസരത്ത് ശുചീകരണപ്രവർത്തനങ്ങൾ സംഘടിപ്പിച്ചു. വിദേശ സഞ്ചാരികളടക്കം വാഗമൺ സന്ദർശിക്കുന്ന നിരവധി വിനോദസഞ്ചാരികളെത്തുന്ന ഒരു പ്രദേശമാണ് കാരിയട് ടോപ്പ്. ഈ പ്രദേശത്ത് കാടുകൾ വെട്ടി തെളിക്കുകയും, തണൽ മരങ്ങൾ വെച്ചുപിടിപ്പിക്കുകയും ചെയ്തു.
