പാറശാല: എഐവൈഎഫ് ഭഗത് സിംഗ് യൂത്ത് ഫോഴ്സ് പാറശാല മണ്ഡലം ക്യാമ്പ് സംഘടിപ്പിച്ചു. മുവേരിക്കര സ്കൂളിൽ വച്ച് എഐവൈഎഫ് മണ്ഡലം പ്രസിഡന്റ്‌ ഷിജുകുമാറിന്റെ അധ്യക്ഷതയിൽ കൂടിയ ക്യാമ്പ് തിരുവനന്തപുരം ജില്ലാ പ്രസിഡന്റ്‌ ആദർശ് കൃഷ്ണ ഉദ്ഘാടനം ചെയ്തു. എഐവൈഎഫ് പാറശാല മണ്ഡലം സെക്രട്ടറി വിൽസ്കുമാർ വിൽ‌സൺ സിപിഐ പാറശാല മണ്ഡലം സെക്രട്ടറി ആനാവൂർ മണികണ്ഠൻ തുടങ്ങിയവർ സംസാരിച്ചു.
ഡോ. ജയൻ പ്രാഥമിക ജീവൻ രക്ഷാ മാർഗങ്ങൾ ലഹരിയുടെ ദുരിത വശങ്ങളെക്കുറിച്ചും ക്ലാസ്സ്‌ നൽകി. ഭഗത് സിംഗ് യൂത്ത് ഫോഴ്സ് തിരുവനന്തപുരം ജില്ലാ സബ് കമ്മിറ്റി കൺവീനർ സുജിത് ഭഗത്സിംഗ് യൂത്ത് ഫോഴ്സിന്റെ അനിവാര്യതയെ കുറിച്ച് സംസാരിച്ചു. ഭഗത് സിംഗ് യൂത്ത്ഫോഴ്സിന്റെ പാറശാല മണ്ഡലം ക്യാപ്റ്റനായി ഡി ബിജുവിനെയും വൈസ് ക്യാപ്റ്റന്മാരായി സതീഷ് കുമാർ ജി വി, കൃഷ്ണപ്രസാദ് എന്നിവരെയും തെരെഞ്ഞെടുത്തു.
