കൊല്ലം: ഭഗത് സിംഗ് യൂത്ത് ഫോഴ്സ് സംസ്ഥാന ക്യാമ്പിന്റെ സംഘാടക സമിതി രൂപീകരിച്ചു. മെയ് 18,19 തീയതികളിൽ കൊല്ലം ജില്ലയിലെ ഇടമണിൽ വച്ചാണ് സംസ്ഥാന ക്യമ്പ് സംഘടിപ്പിക്കുന്നത്. ക്യാമ്പിന്റെ പ്രവർത്തനത്തിനായുള്ള സംഘാടക സമിതിയെയാണ് കഴിഞ്ഞദിവസം ചേർന്ന യോഗം രൂപീകരിച്ചത്. എഐവൈഎഫിന്റെ ജില്ലാ പ്രസിഡന്റ് ടി എസ് നിധീഷ് അദ്ധ്യക്ഷത വഹിച്ച യോഗത്തിൽ സംസ്ഥാന സെക്രട്ടറി ടി ടി ജിസ്മോൻ ഉദ്ഘാടനം നിർവ്വഹിച്ചു.
എസ് വിനോദ് കുമാർ ,സിപിഐ മണ്ഡലം സെക്രട്ടറി സി അജയപ്രസാദ്, ഡേവിഡ് ,എഐവൈഎഫ് നേതാക്കളായ അർഷാദ് ,ശ്യാംരാജ്,രാജ്‌ലാൽ, ശരത് ,സിബിൽ ബാബു ,എംബി നസീർ എന്നിവർ സംസാരിച്ചു. സംഘാടകസമിതിയുടെ ചെയർമാനായി ഗോപിനാഥൻ പിള്ളയെയും കൺവീനറായി ശരത്തിനേയും തിരഞ്ഞെടുത്തു.
