തിരുവല്ല: “ഒത്തൊരുമിക്കാം, രക്തദാനം മഹാദാനം” എന്ന സന്ദേശം ഉയർത്തി സ്കൂൾ, കോളേജ് ഉൾപ്പെടെ എല്ലാ വിദ്യാലയങ്ങൾക്ക് മുൻപിലും രക്തദാനത്തിന്റെ മാഹാത്മ്യത്തെപ്പറ്റി അവബോധ കാമ്പയിനുകൾ സംഘടിപ്പി‍ച്ച് എഐവൈഎഫ്. തിരുവല്ല മണ്ഡലത്തിന്റെ ആഭിമുഖ്യത്തിൽ നടത്തിയ പരിപാടിയുടെ മേഖലതല ഉൽഘാടനം എഐവൈഎഫ് പത്തനംതിട്ട ജില്ലാ പ്രസിഡന്റ് അഡ്വ.സുഹാസ് നടത്തി. തിരുവല്ല ടൗണിൽ നടത്തിയ പരിപാടിയുടെ ഉദ്ഘാടനം എം ഹനീഫും നിർവഹിച്ചു. ക്യാമ്പയിന്റെ ഭാഗമായി ലഘുലേഖ വിതരണവും ബോധവൽക്കരണവും സംഘടിപ്പിച്ചു. ക്യാമ്പയിൻ സാംസ്‌കാരിക സാമൂഹിക പ്രവർത്തകരും വിദ്യാർത്ഥികളും ,അദ്ധ്യാപകരും ഏറ്റെടുത്തു. തിരുവല്ല ടൗൺ മേഖല സെക്രട്ടറി വിഷ്ണു ഭാസ്കർ , ജോയിൻ സെക്രട്ടറി ലിജു വർഗീസ് , വർഗീസ് ഈപ്പൻ ,അനിത പ്രസാദ് ,ബിൻസൺ ജോർജ് , സാലു ജോൺ , അനിൽ കുമാർ , ജ്യോതിഷ് ജോയ് , ചന്ദ്രേഷ് എന്നിവർ ക്യാമ്പയിന് നേതൃത്വം നൽകി.
