മുംബൈ: പ്രമുഖ ബോളിവുഡ് താരം മിഥിലേഷ് ചതുർവേദി(67) അന്തരിച്ചു. ഹൃദയാഘാതത്തെ തുർന്ന് ഇന്ന് രാവിലെയായിരുന്നു അദ്ദേഹത്തിന്റെ അന്ത്യം. മിഥിലേഷിന്റെ കുടുംബം തന്നെയാണ് താരത്തിന്റെ വിയോഗവാർത്ത പുറത്തുവിട്ടത്. കോയി മിൽഗയാ, റെഡി തുടങ്ങിയ സിനിമകളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.
പത്ത് ദിവസം മുൻപ് ഹൃദയാഘാതം വന്നതിനെ തുടർന്ന് മിഥിലേഷിനെ മുംബൈയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. ശ്വസനസംബന്ധമായ പ്രശ്‌നങ്ങൾ അദ്ദേഹത്തിനുണ്ടായിരുന്നു. തുടർന്ന് ചികിത്സയിൽ കഴിയവെ ഇന്ന് പലർച്ചെ നാലു മണിയോടെ വീണ്ടും ഹൃദയാഘാതം ഉണ്ടാകുകയായിരുന്നു.
നിരവധി സിനിമകളിൽ ശക്തമായ വേഷങ്ങളിൽ എത്തി അമ്പരപ്പിച്ചിട്ടുള്ള താരമാണ് അദ്ദേഹം. താൽ, ഫിസ, അശോക, കൃഷ്, ഗുലാബോ സിതാബോ, വെബ് സീരീസായ സ്‌കാം 1992 തുടങ്ങിയവയിലെ കഥാപാത്രങ്ങൾ ശ്രദ്ധിക്കപ്പെട്ടു. വെർസോവയിലെ ശ്മശാനത്തിൽ വച്ച് വൈകുന്നേരമായിരിക്കും സംസ്‌കാരം നടക്കുക.
