ഇരിങ്ങാലക്കുട: സാമൂഹിക സേവനത്തിന് സമർപ്പിത യുവത്വം എന്ന മുദ്രാവാക്യം ഉയർത്തി പിടിച്ച് എഐവൈഎഫ് ഭഗത് സിംഗ് യൂത്ത് ഫോഴ്സ് ഇരിങ്ങാലക്കുട മണ്ഡലം തല ക്യാമ്പ് മുരിയാട് വച്ച് സംഘടിപ്പിച്ചു. എഐവെഎഫ് തൃശ്ശൂർ ജില്ലാ സെക്രട്ടറി സ: പ്രസാദ് പേറേരി ക്യാമ്പ് ഉദ്ഘാടനം ചെയ്തു. സി.പി.ഐ ഇരിങ്ങാലക്കുട മണ്ഡലം സെക്രട്ടറി പി. മണി, അസി.സെക്രട്ടറി എൻ.കെ ഉദയപ്രകാശ്, എ.ഐ വൈ എഫ് ജില്ലാ പ്രസിഡണ്ട് ബിനോയ് ഷബീർ, യൂത്ത് ഫോഴ്സ് ജില്ലാ ക്യാപ്റ്റൻ ടി.വി. വിബിൻ, എന്നിവർ സംസാരിച്ചു.
എ ഐ വൈ എഫ് മണ്ഡലം പ്രസിഡണ്ട് പി.എസ് കൃഷ്ണകുമാറിന്റെ അദ്ധ്യക്ഷതയിൽ വിഷണു ശങ്കർ സ്വാഗതവും, ശ്യാം കുമാർ പി.എസ് നന്ദിയും പറഞ്ഞു. പാർട്ടി നേതാക്കളായ പൃത്വിരാജ്, പി.ആർ സുന്ദരൻ, കെ.സി. ഗംഗാധരൻ മാസ്റ്റർ എന്നിവർ പങ്കെടുത്തു. തുടർന്ന് പരിശീലന അദ്ധ്യാപകനായ ശ്രീ പ്രസാദിന്റെ നേതൃത്വത്തിലുള്ള ക്ലാസ്സും നടന്നു. ഭഗത് സിംഗ് യൂത്ത് ഫോഴ്സ് ഇരിങ്ങാലക്കുട മണ്ഡലം ക്യാപ്റ്റനായി എം.പി. വിഷ്ണുശങ്കറിനേയും വൈസ് ക്യാപ്റ്റൻമാരായി ഗാവരേഷ്, ശരത്, റോസ്മി ജയേഷ് എന്നിവരെയും തിരഞ്ഞെടുത്തു.
